Nirnayasindhu 52.5

52.5

” anyāni ca ṣaṇṇavatiśrāddhādīni
prāguktāni mārkaṇḍeyapurāṇe-“śrāddhārhadravyasaṃpattau tathā duḥsvapnadarśane | janmarkṣe
grahapīḍāsu śrāddhaṃ kurvīta cecchayā ||”
atha śrāddhādhikāriṇaḥ
candrikāyāṃ sumantuḥ-“mātuḥ pituḥ prakurvīta saṃsthitasyaurasaḥ sutaḥ | paitṛmedhikasaṃskāraṃ
mantrapūrvakramāditaḥ ||” tatraiva hemādrau śaṃkhaḥ-“pituḥ putreṇa kartavyā piṇḍadānodakakriyā | putrābhāve tu patnī syāttadabhāve tu sodaraḥ ||” atra yadyapi putrapadaṃ kṣetrajādidvādaśavidhaputraparam | te ca dvādaśaputrā yājñavalkyenoktāḥ-“auraso dharmapatnījastatsamaḥ putrikāsutaḥ | kṣetrajaḥ kṣetrajātastu sagotreṇetareṇa vā || gṛhe pracchanna utpanno
gūḍhajastu sutaḥ smṛtaḥ | kānīnaḥ kanyakājāto mātāmahasutaḥ smṛtaḥ || akṣatāyāṃ
kṣatāyāṃ vā jātaḥ paunarbhavastathā | dadyānmātā pitā vā yaṃ sa putro dattako bhavet
krītaśca tābhyāṃ vikrītaḥ kṛtrimaḥ syātsvayaṃ kṛtaḥ | dattānmātuḥ svayaṃ datto garbhe vinnaḥ
sahoḍhajaḥ || utsṛṣṭo gṛhyate yastu sopaviddho bhavetsutaḥ | piṇḍadoṃśaharaścaiṣāṃ pūrvābhāve
paraḥ paraḥ