Nirnayasindhu 58.2-14

58.2-14

” vāyavīye--“annaṃ paśyeyurete tu yadi vai havyakavyayoḥ | utsṛṣṭavyaṃ pradhānārthaṃ
saṃskārastvāpadi smṛtaḥ ||”
sumantuḥ- ‘cāṇḍālādivekṣitamannamabhojyamanyatra mṛdbhasmahiraṇyodakasparśāt ||' tatraiva
jamadagniḥ- “śuddhavatyotha kūṣmāṇḍyaḥ pāvamānyastaratsamāḥ | pūtena vāriṇā darbhairannadoṣamapānudat ||” candrodaye- “pādukopānahau chatraṃ citraraktāmbaraṃ tathā | raktapuṣpaṃ ca mārjāraṃ
śrāddhabhūmau vivarjayet” || nirṇayadīpe- “ghaṇṭāninādo hayasaṃnidhānaṃ śambūkaśaṅkhaṃ kadalīdalaṃ ca | unmattajātyarkahayārijāniṃ śrāddhasya vaiguṇyakarāṇyamūni || ” hayāriṃjaṃmahiṣīkṣīrādi
atha śrāddhadinakṛtyam
candrodaye uśanāḥ-'gomayodakairbhūmibhājanaśaucaṃ kuryāt ||' parāśaraḥ- "kāñjikaṃ dadhi
takraṃ ca śṛtaṃ vāśṛtameva ca | pūrvameva na dātavyamekoddiṣṭe'tha pārvaṇe ||” hemādrau parāśaraḥ"gṛhyāgniśiśudevānāṃ brahmacāritapasvinām | tāvanna dīyate kiṃcidyāvatpiṇḍānna nirvapet ||” kaurme- 'tilānavakirettatra sarvato bandhayedajān ||' tatraiva devalaḥ- 'tatraiva yantrito
dātā prātaḥ snātvā sahāmbaraḥ | ārabheta navaiḥ pātrairannārambhaṃ ca bāndhavaiḥ ||' atrātmanepadātsvayameva pākaḥ kāryaḥ || aśaktau patnyā, tadabhāve bāndhavaiḥ || 'tatastu nṛpaṃpāṃcāśu
sītā janakanandinī' iti, pāñcāliṅgāṃditi hemādriḥ
śrāddhadīpakalikāyāmāśvalāyanaḥ- "samānapravarairmitraiḥ sapiṇḍaiśca guṇānvitaiḥ | kṛtopakāribhiścaiva pākakārya praśasyate ||” vyāsaḥ- "gṛhiṇī caiva susnātā pākaṃ kuryātprayatnataḥ
niṣpanneṣu ca pākeṣu punaḥ snānaṃ samācaret ||” pṛthvīcandrodaye brāhme- "rajasvalāṃ ca
pākhaṇḍāṃ puṃścalīṃ patitāṃ tathā | tyajecchūdrāṃ tathā vandhyāṃ vidhavā cānyagotrajām
vyaṅgakarṇī caturthāhaḥsnātāmapi rajasvalām | varjayecchrāddhapākārthamamātṛpitṛvaṃśajām