Nirnayasindhu 58.2-9

58.2-9

” jambūḥ sūkṣmā | mādhavīye caturviṃśatimate- 'yāvanālān kulitthāṃśca varjayanti vipaścitaḥ ||' yāvanālā-jauṃdhalā | atra yāni caṇakādīni vihitaniṣiddhāni teṣāṃ vikalpaḥ | anyathā-“śyāmākaiścaṇakaiḥ śākairnīvāraiśca priyaṃgubhiḥ
godhūmaiśca tilairmudgairmāsaṃ prīṇayate pitṝn” iti 'godhūmairikṣubhiścaivaiḥ satīnaiśravaṇakairāpa'
iti hemādrau kaurmaviṣṇudharmādivirodhaḥ syāt || pippalīmaricādestu pratyakṣasya niṣedho
na tvanyadravyamiśrasya "sauvīratiktailairvaṇādibhistu pākasya siddhirmahatīha yaistu | tadvījapūrān maricādiyogātsiddhaṃ pradeyaṃ na tu duṣyatīha” || iti pṛthvīcandrodaye vṛddhaparāśarokteḥ || tatraiva- “dātuśca yasminmanasobhilāṣaḥ śraddhā bhavedyatra ca dīyamāne | śrāddheṣu deyaṃ
vidhivattadeva taddattamakṣayyamiti bruvanti ||" etanniṣiddhetaraviṣayam
candrikāyām-“kṛṣṇadhānyāni sarvāṇi varjayecchrāddhakarmaṇi| na varjayettilāṃścaiva mudgamāṣāṃstathaivaca ||” mātsye-“masūraśaṇaniṣpāvarājamāṣakusumbhikāḥ| padmabilvārkadhattūrapāribhadrāraṭūrūṣakāḥ || na deyāḥ pitṛkāryeṣu payaścājāvikaṃ tathā| kodravoddāravarakakapitthamadhukātasī || etānyapi na deyāni pitṛbhyaḥ śrāddhamicchatā