Nirnayasindhu 59.3-5

59.3-5

" daive
pārvaṇe purūravārdravau vācyau || 'pitrāderapyanenaiva vṛṇīta vidhinā dvijān |' tataḥ
kartā bahvṛco'nāhitāgniḥ piṇḍapitṛyajñaṃ paristaraṇādīdhmādhānāntaṃ kuryāt || 'ardhādhāninopyevam' iti prayogapārijāte pariśiṣṭe ca | bhāṣyakāramate ābdikepyevam
vṛttikāramate nedam
hemādrau śambhuḥ-"sammārjitopalipte tu dvāri kurvīta maṇḍale | udakplavamudīcyaṃ syāddakṣiṇaṃ dakṣiṇāplavam ||” vyāghraḥ-"uttarekṣatasaṃyuktān pūrvāgrān vinyasetkuśān
dakṣiṇe dakṣiṇāgrāṃstu satilān vinyasetkuśān ||” tatraiva baudhāyanaḥ- "caturasraṃ trikoṇaṃ
ca vartulaṃ cārdhacandrakam | kartavyamānupūvyeṇa brāhmaṇādiṣu maṇḍalam ||” tatraiva laugākṣiḥ"hastadvayamitaṃ kāryaṃ vaiśvadevikamaṇḍalam | dakṣiṇe ca caturhastaṃ pitṝṇāmaṃghriśodhane ||”
kalikāyāṃ saṃgrahe tu-prādeśamātraṃ devānāṃ caturasraṃ tu maṇḍalam | tyaktvā ṣaḍaṅgulaṃ tasmādakṣiṇe vartulaṃ tathā" ityuktam
smṛtyantare- "gartaḥ pañcāṃgulo vipre jānumātro mahībhuji | prādeśamātro vaiśye ca
sādhikaḥ sa tu śūdrake || tiryagūrdhvapramāṇeṇa vyākhyāto daivapitryayoḥ | caturasraṃ vartulaṃ
ca kathitaṃ gartalakṣaṇam || pādaprakṣālanaṃ proktamupaveśyāsane dvijān | tiṣṭhaṃścetprakṣālanaṃ
kuryānnirāśāḥ pitaro gatāḥ