Nirnayasindhu 6.2-2

6.2-2

iti || iyaṃ ca madhyāhnayoginī grāhyā
"caitraśukle tu navamī punarvasuyutā yadi | saiva madhyāhnayogena mahāpuṇyatamā bhavet ||"
iti tatraivokteḥ || tathā-"caitramāse navamyāṃ tu jāto rāmaḥ svayaṃ hariḥ | punarvasvṛkṣasaṃyuktā sā tithiḥ sarvakāmadā || śrīrāmanavamī proktā koṭisūryagrahādhikā ||"
tathā-"kevalāpi sadopoṣyā navamī śabdasaṃgrahāt | tasmātsarvārmanā sarvaiḥ kāryaṃ vai
navamīvratam ||"
pūrvedyureva madhyāhnayoge karmakālavyāpteḥ saiva grāhyā || dinadvaye madhyāhnavyātau tadabhāve vā
pūrvadine punarvasvṛkṣayuktāmapi tyaktvā paraiva kāryā || taduktaṃ mādhavīye'gastyasaṃhitāyāmnavamī cāṣṭamī viddhā tyājyā viṣṇuparairnaraiḥ || upoṣaṇaṃ navamyāṃ ca daśamyāṃ caiva pāraṇam ||" iti || aṣṭamīviddhā satrṛkṣāpi nopoṣyeti mādhavaḥ || rāmārcanacandrikāyāmapi-"viddhaiva cedṛkṣayuktā vrataṃ tatra kathaṃ bhavet || viddhā niṣiddhaśravaṇātnavamī ceti vākyataḥ || vaiṣṇavānāṃ viśeṣāntu tatra viṣṇuparerrāpa || daśamyādiṣu vṛddhiśceddhiddhā tyājyaiva vaiṣṇavaiḥ || tadanyeṣāṃ ca sarveṣāṃ vrataṃ tatraiva niścitam"