Nirnayasindhu 6.2-5
Nirṇayasindhu 6.2-5
- Language
- Sanskrit
6.2-5
meṣasaṃkrame prāgaparā daśa ghaṭikāḥ puṇyakālaḥ | rātrau tu prāguktam | atra dharmaghaṭādidānamuktaṃ pṛthvīcaṃdrodaye pādme - "tīrthe cānudinaṃ snānaṃ tilaiśca pitṛtarpaṇam | dānaṃ dharmaghaṭādīnāṃ madhusūdanapūjanam || mādhave māsi kurvīta madhusūdanatuṣṭidam || "
vaiśākhasnānam
atha vaiśākhasnānam | tatra pṛthvīcaṃdrodaye viṣṇusmṛtipādmayoḥ || "tulāmakarameṣeṣu
prātaḥsnānaṃ vidhīyate | haviṣyaṃ brahmacaryaṃ ca mahāpātakanāśanam ||” iti sauramāsa uktaḥ
anyat pakṣadvayamuktaṃ tatraiva pādme-“ madhumāsasya śuklāyāmekādaśyāmupoṣitaḥ | paṃcadaśyāṃ
ca bho vīra meṣasaṃkramaṇe tu vā || vaiśākhasnānaniyamaṃ brāhmaṇānāmanujñayā | madhusūdanamabhyarcya kuryātsaṃkalpapūrvakam”