Nirnayasindhu 6.3-3

6.3-3

” iti devaṃ saṃprārthya damanamādāya pañcagavyena prokṣya vāriṇā prakṣālyāśokamle devāyai vā
" aśokāya namastubhyaṃ kāmastrīśokanāśana | śokārtti hara me nityamānandaṃ janayasva
me | " ityaśokam | " truvyādikālaparyantaḥ kālarūpī mahābalaḥ | kalate caiva yaḥ
sarva tasmai kālātmane namaḥ || " iti kālam || " vasantāya namastubhyaṃ vṛkṣagulmalatāśraya | sahasramukhasaṃvāsa kāmarūpa namostute || " iti vasantam | " kāmabhasmasamudbhūta
ratibāṣpapariplutaḥ | ṛṣigandharvadevāvivimohaka namostute || " iti damanaṃ ca saṃpūjya
" namostu pañcabāṇāya jagadāhlādakāriṇe | manmathāya jayannetre ratiprītipriyāya te "
iti damanamupasthāya | oṃ kāmāya nama iti saṃpūjya niśāyāṃ devatāgre pañcavarṇaiḥ candanena
vā aṣṭadalaṃ kṛtvā vahiścaturasraṃ tadvahirvṛttatrayaṃ tadvahirvṛttaṃ caturasraṃ ca kṛtvā tatra kuṃbhaṃ
saṃsthāpyopari damanaṃ pūjayitvā | " pūjārthaṃ devadevasya viṣṇorlakṣmīpateḥ prabhoḥ | madana
tvamihāgaccha sānnidhyaṃ kuru te namaḥ | " oṃ klīṃ kāmadevāya namaḥ | oṃ hrīṃ ratyai namaḥ
ityāvāhya | dikṣu pūrvādyaiitaḥ smaraśarīrāya namaḥ | anaṅgāya0, manmathāya0, kāmāya0 ,
klīṃ vasantasakhāya0, smarāya0, ikṣucāpāya0, puṣpāyudhāya namaḥ | iti pūjayitvā
' oṃ tatsvarūpāya vidmahe kāmadevāya dhīmahi | tanno'naṃgaḥ pracodayāt ' | ityaṣṭottaraśataṃ
saṃmaṃtrya pūjayitvā | ' hrīnamaḥ ' iti puṣpāñjaliṃ dattvā | " namostu puṣpabāṇāya jagadāhlādakāriṇe | manmathāya jagannetre ratiprītipriyāya te || " iti natvā | " āmantritosi deveśa purāṇapuruṣottama | mātastvāṃ pūjayiṣyāmi sāṃnidhyaṃ kuru keśava || kṣīrodadhimahānāga śayyāvasthitavigraha | mātastvāṃ pūjayiṣyāmi sannidhau bhava te namaḥ || nivedayāmyahaṃ tubhyaṃ mātardamanakaṃ śubham | sarvadā sarvathā viṣṇo namastestu prasīda me "