Nirnayasindhu 60.5
Nirṇayasindhu 60.5
- Language
- Sanskrit
60.5
”
saurapurāṇe-“cāmaraṃ tālavṛntaṃ ca śvetacchatraṃ ca darpaṇam | dattvā pitṝṇāmetāni bhūmipālo
bhavediha ||” tatraiva nandipurāṇe-“alaṃkārāḥ pradātavyā yathāśakti hiraṇmayāḥ| keyūrahārakaṭakamudrikākuṇḍalādayaḥ ||” tathā-“strīśrāddheṣu pradeyāḥ syuralaṃkārāstu yoṣitām
mañjīramekhalādāmakarṇikākaṃkaṇādayaḥ || ādarśavyajanacchatraśayanāsanapādukāḥ | manojñāḥ
paṭṭavāsāśca sugandhāścūrṇamuṣṭayaḥ || aṅgāradhānikāḥ śīte yogapaṭṭāśca yaṣṭayaḥ | kaṭisūtrāṇi raupyāṇi mekhalāścaiva kambalāḥ || karpūrādeśca bhāṇḍāni tāmbūlāyatanaṃ tathā | bhojanādhārayantrāṇi patadgrāhāṃstathaiva ca || tathāñjanaśalākāśca keśānāṃ ca prasādhanam
etān dadyāttu yaḥ samyak so'śvamedhaphalaṃ labhet