Nirnayasindhu 61.2-4

61.2-4

iti || tadvṛddhānādarādupeśyam
hemādrau yamaḥ-“agnaukaraṇavattatra homo viprakare bhavet | paryukṣya darbhānāstīrya yato hyagnisamo dvijaḥ ||” mekṣaṇena kareṇa vā homaḥ mekṣaṇapraharaṇaṃ neti vṛttiḥ || smṛtiratnāvalyām-“nānujñāṃ pāṇihome syānna staḥ paryuhanokṣaṇe | nāgnetamadyāditi ca na syātāmidhmamekṣaṇe ||” karkācāryopyevamāha || mādhavīye candrikāyāṃ cānujñādi sarvaṃ bhavatītyuktam || pāṇihome praśnādyāhāparārke śaunakaḥ- 'anagniśśedrājyaṃ gṛhītvā 'bhavatsvevāgnaukaraṇam' iti pūrvavat 'tathāstu' iti
āśvalāyanaḥ- 'yadi pāṇiṣvācānteṣvanyadannamanudiśatyannamanne sṛṣṭaṃ dattamadhruvam' iti
pāṇau hutaṃ pātre nidhāya viprairācamya bhojanārthamanne pariviṣṭe hutaśeṣaṃ pātreṣu dadyādityarthaḥ
sṛṣṭaṃ prabhūtam || naimittikaṃ cedamācamanam || na hutabhakṣaṇanimittam || 'annaṃ pāṇitale
dattaṃ pūrvamaśnantyabuddhayaḥ | pitarastena tṛpyanti śeṣātraṃ na labhanti te || yacca pāṇitale
dattaṃ yaccānyadupakalpitam | ekībhāvena bhoktavyaṃ pṛthagbhāvo na vidyate