Nirnayasindhu 67.2-3
Nirṇayasindhu 67.2-3
- Language
- Sanskrit
67.2-3
"
nirṇayāmṛte tu- “yadā māso na vijñāto vijñātaṃ dinameva tu | tadā cāṣāḍhake māsi
māghe vā taddinaṃ bhavet" iti bṛhaspatismṛterāṣāḍhopyuktaḥ || kālādarśopi -' māsājñāne
dinajñāne kāryamāṣāḍhamāghayoḥ' ityuktam || hemādrau prabhāsakhaṇḍe-“mṛtāhaṃ yo na jānāti
māsaṃ vāpi kathaṃcana | tena kāryamamāvāsyāṃ śrāddhaṃ māghe'tha mārgake ||"
bhaviṣye- ' mṛtavārtāśrutergrāhyau tau pūrvoktakrameṇa tu | ' pūrvokteti prasthānadinājñāne māsajñāne ca taddarśaṃ māsājñāne dinajñāne ca mārgādāvitivacchravaṇadinepi jñeyamityarthaḥ || śravaṇadine māsājñāne māghamārgadarśa kāryaṃ pūrvoktaprabhāsakhaṇḍāt || atotra lopa iti śūlapāṇyuktaṃ heyam || tithitattve yamaḥ- “gatasya na bhavedvārtā yāvaddvādaśavārṣikī | pretāvadhāraṇaṃ
tasya kartavyaṃ sutabāndhavaiḥ || yanmāsi yadaharyādastanmāsi tadahaḥkriyā | dinājñānaṃ
kuhūstasya āṣāḍhasyāthavā kuhūḥ
67.2-3.p1
”