Nirnayasindhu 71.4-2

71.4-2

” iti taccintyam || ‘pānīyamapyatra tilairvimiśraṃ dadyātpitṛbhyaḥ
prayato manuṣyaḥ’ ityādivirodhāt
atrāpavādaḥ pṛthvīcandrodaye-“tīrthe tithiviśeṣe ca gayāyāṃ pretapakṣake | niṣiddhepi dine
kuryāttarpaṇaṃ tilamiśritam ||” smṛtyarthasārepi- 'tithitārthaviśeṣeṣu kārya prete ca sarvadā'
iti || gobhilaḥ-“tilābhāve niṣiddhāhe suvarṇarajatānvitam | tadabhāve niṣiñcetta darbhamantreṇa vā punaḥ ||” patitasya tilodakaṃ vakṣyāmaḥ
atha vṛddhiśrāddham
tannimittaṃ pṛthvīcandrodaye brāhme-“janmanyathopanayane vivāhe putrakasya ca | pitṝnnāndīmukhānnāma tarpayedvidhipūrvakam || devavrateṣu cādhānayajñapuṃsavaneṣu ca | navānnabhojane snāne
ūḍhāyāḥ prathamārtave || devārāmataḍāgādipratiṣṭhāsūtaveṣu ca | rājābhiṣeke bālānnabhojane vṛddhisaṃjñakān || vanasthādyāśramaṃ gacchanpūrvedyuḥ sadya eva vā | pitṝn pūrvoktavidhinā tarpayet karmāsiddhaye