Nirnayasindhu 72.1.p1.30

72.1.p1.30

manūkteśca
mādhavīye devalastu-“ā tripakṣāttrirātraṃ syātṣaṇmāsātpakṣiṇī tataḥ | paramekāhamāvarṣādūrdhvaṃ snāto viśudhyati” ityāha || tatrāpadanāpadviṣayatvena vyavasthā | idaṃ cakadeśe || deśāntare tu snānamātram || “deśāntaramṛtaṃ śrutvā klīve vaikhānase yatau | mṛte
snānena śudhyanti garbhasrāve ca gotriṇaḥ” iti parāśarokteriti vijñāneśvaraḥ || snānaṃ
vatsarānte “arvāktripakṣāttriniśaṃ ṣaṇmāsācca divāniśam | ahaḥ saṃvatsarādarvāgdeśāntaramṛteṣvapi” iti viṣṇūkteriti mādhavaḥ || idaṃ sapiṇḍānāṃ deśāntare snānaṃ sodakānāmiti yuktam
lakṣaṇaṃ tvāha bṛhaspatiḥ-“mahānadyantaraṃ yatra girirvā vyavadhāyakaḥ | vāco yatra vibhidyante taddeśāntaramucyate || deśāntaraṃ vadantyeke ṣaṣṭiyojanamāyatam | catvāriṃśadvadantyanye triṃśadanye tathaiva ca” iti || etatsarvaṃ mātāpitṛbhinnaviṣayam | ‘tayostu pitarau
cet’ iti pūrvapaiṭhīnasivākyātsadā pūrṇameva daśāhādi
smṛtyarthasārepi-‘mātāpitṛmaraṇe dūradeśepi saṃvatsarordhvamapi putro daśāhādikaṃ pūrṇamāśaucaṃ kuryāt strīpuṃsayoḥ parasparaṃ sapatnīṣu caivam’ iti || śuddhitattvādayo gauḍāstu-“ūrdhvaṃ saṃvatsarādyodyadvandhuścecchrūyate mṛtaḥ | bhavedekāhamevātra tanna saṃnyāsināṃ na tu ||”
iti devalokteḥ | pitrorabdamadhye trirātramūrdhvamekāhaḥ | bandhurmātā pitā bhartā ca | pūrvoktadaśāhastu kaliṅgādideśapara ityāhuḥ || te bandhupadasya putrādiparatve mānābhāvādupekṣyāḥ
sāpatnamātustu dakṣaḥ-“pitṛpatnyāmapetāyāṃ mātṛvarjaṃ dvijottamaḥ | saṃvatsare vyatītepi