Nirnayasindhu 72.1.p1.32

72.1.p1.32

haradattopyevamāha || gauḍā apyevam || tanna || yājñavalkyādivaśena daśāhasya tulyakālādvaucopalakṣaṇatvāt | “samānāgaucasaṃpāte prathamena samāpayet || asamānaṃ dvitīyena dharmarājavaco yathā” iti mādhavīye śaṃkhokteḥ || aparārkamatākṣarādivirodhācca
yadā tu sūtake śāvaṃ samanyūnamadhikaṃ vā tadā na pūrvaśeṣācchuddhiḥ| tadāhāṃgirāḥ-'sūtake
mṛtakaṃ cetsyānmṛtake tvatha sūtakam | tatrādhikṛtya mṛtakaṃ śaucaṃ kuryānna sūtake ||”
ṣaḍviṃśanmate-“śāvāśauce samutpanne sūtakaṃ tu yadā bhavet | śāvena śudhyate sūtirna sūtiḥ
śāvaśodhinī ||”
caturviṃśatimatepi-‘mṛtena śudhyate jātaṃ na mṛtaṃ jātakena tu ||’ ato yadā daśāhajananamadhye tadante vā tryahādi śāvaṃ, tadā pūrveṇa śuddhāvapi tannimittamaspṛśyatvaṃ bhavatyeva
‘maraṇotpattiyoge tu garīyo maraṇaṃ bhavet’ iti kaurmācca || gautamavyākhyāyāṃ vṛddhātrirāpi-“sūtakādviguṇaṃ śāvaṃ śāvādviguṇama callārtavam | ārttavādviguṇā sūtistatopi śavadāhakaḥ ||” atra pūrvapūrveṇa nottarottaranivṛttiraspṛśyatvādhikyādityarthaḥ
ṣaḍaśītāvapi-‘svabhāvabahusūtistu nyūnaśāvaviśodhinī’ iti || rātriśeṣādā vardhitadvitridinairāgantukaiḥ sūterbahutvaṃ na svabhāvena | atastatra nyūnaśāvasyāpi na pūrveṇa śuddhiriti vaktuṃ svabhāvenetyuktam
brāhmopi-“nāgantukairathāhobhirāśaucamapanudyate | na ca pātanimittena śāvasyāndhasya
śodhanam” iti || evaṃ nava pakṣāḥ || yadā tu tryahādyalpaśaucamadhye sajātīyaṃ vijātīyaṃ vā dīrghakālamuttaraṃ, tadāpyuttaraṃ pūrṇaṃ kāryam, na pūrveṇa śuddhiḥ || “svalpāśaucasya