Nirnayasindhu 72.1.p1.34

72.1.p1.34

dvayaha ityanaucityācca || asmadguravastu pañcatamādaha āśaucaṃ tato nyūnaṃ tryahādi cetsyādasminrviṣaye pūrveṇaivāśuddhiḥ śiṣyate daśāhādirātriśeṣe tryahādipāte tryahādyalpāśaucānāṃ parasparaṃ rātriśeṣe saṃpāte ca na tryahādivṛddhirityarthamāhuḥ | kvacitpūrvaśeṣeṇa śuddharapavādamāha gautamaḥ-'rātriśeṣe sati dvābhyāṃ prabhāte tisṛbhiḥ' iti || prabhā'ntentyāme
'rātriśeṣe dvayahācchuddhiyāmaśeṣe śucistryahāt' iti śātātapokteḥ || idaṃ śāvānte sūtakapāte sajātīye vā tulyam || atra kecit || rātriśabdo'horātraparaḥ || 'ahaḥ śeṣe dvābhyāṃ prabhāte tisṛbhiḥ' iti śaṅkhalikhitokteḥ
'atha yadi daśarātrāḥ saṃnipateyurādyaṃ daśarātramāśaucamānavamāddivasādata ūrdhvaṃ dvirātreṇa
vyuṣṭāyāṃ trirātreṇa' iti baudhāyanokteḥ || "punaḥ pāte daśāhātprāk pūrveṇa saha gacchati
daśamehni patedyasyāhardvayātsa viśudhyati" iti || 'prabhāte tu trirātreṇa daśarātreṣvayaṃ vidhiḥ'
iti devalokteśca || navamadaśamaśabdau copāntyadinaparau || tena kṣatriyādāvapi tathetyāhuḥ
mādhavīyepyevam || anye tvāhuḥ - "antardaśāhe syātāṃ cetpunarmaraṇajanmanī | tāvatsyādaśucirvipro yāvattatsyānnirdaśam” iti
manuparāśarādyairdaśamadinenottarasya śuddheruktatvādvirodhaḥ spaṣṭa eva || virodhe ca-'yadvai kiṃcana
manuravadattadbheṣajam' iti | 'kalau pārāśarasmṛtiḥ' ityanena pūrvavacasāṃ bādhaḥ || ata eva
vācaspatinā teṣāmanākaratvamuktam || sākaratvepi jātimātraviprādiviṣayaṃ deśāntaraviṣayaṃ