Nirnayasindhu 73.p9

73.p9

atra padadānamuktaṃ devajānīye gāruḍe- 'ekādaśāhaṃ prakramya'- “tadahni dīyate sarvaṃ dvādaśāhe
viśeṣataḥ | padāni sarvavastūni variṣṭāni trayodaśe || yo dadāti mṛtasyeha jīvatopyātmahetave | sukhī bhūtvā mahāmārge vainateya sa gacchati ||” tathā-“āsanopānahau chatraṃ
mudrikāṃ ca kamaṇḍaluḥ | bhājanaṃ bhājanādhāro vastrāmyaṣṭavidhaṃ padam ||”
tathā-“bhājanāsanadānena mudrikābhojanena ca | ājyayajñopavītena padaṃ saṃpūrṇatāṃ vrajet
mahiṣīrathagodānātsukhī bhavati niścitam | sarvopaskarayuktāni padānyatra trayodaśa
yo dadāti mṛtasyeha jīvannapyātmahetave | sa gacchati paraṃ sthānaṃ mahākaṣṭavivarjitaḥ
trayodaśapadānītyaṃ pretāyaikādaśe'hani | dātavyāni yathāśakti tenāsau prīṇito bhavet
annaṃ caivodakaṃ caivopānahau ca kamaṇḍaluḥ | chatraṃ vastraṃ tathā yaṣṭiṃ lohadaṇḍaṃ tathāṣṭamam
agnīṣṭikāṃ ca dīpaṃ ca tilāṃstāmbūlameva ca | candanaṃ puṣpadānaṃ copadānāni caturdaśa
yo'śvaṃ rathaṃ gajaṃ vāpi brāhmaṇe pratipādayet | svamahimno'nusāreṇa tattatsukhamavāpnuyāt”
iti || atra mūlaṃ cintyam