Smritiratnakara (Vitthalanatha) 4.p19.8

4.p19.8

śāṇḍilyaḥ-vāsobhūṣaṇamālyādigandhatailaṃ tathauṣadham | sarvaṃ bhagavate nityamupayuñjyānniveditam || dattātreyaḥnirmālyaṃ bhakṣayitvāvamucchiṣṭamagurorapi | māṃsaṃ payograto bhūtvā japannaṣṭākṣaraṃ sadā || brahmakūrcaṃ tataḥ pītvā pūto bhavati mānavaḥ | nirmālyaṃ naiva saṃbhakṣetakūpe sarvaṃ ca nikṣipet || svīkāryādyadi tanmohāddīrdhaṃ narakaṃ vrajet | makṣikāpādamātraṃ tu nirmālyaṃ na spṛśetkacit || yadi spṛśetta mohādvai narakeṣu nimajjati | vijñāneśvare-śūdrāṇāṃ bhājane bhuktvā bhuktvā vā bhinnabhājane | upoṣitastvahorātraṃ paṃcagavyena śudhyati || mākṣikaṃ phāṇitaṃ śākaṃ gorasaṃ lavaṇaṃ ghṛtam | hastadattāni bhuktvā tu dinamekamabhojanam || idamakāmaviṣayam | kāmatastu hārītaḥ-hastadattabhojane duṣṭapaṃktibhojane abhyaktamūtrapurīṣakaraṇe mṛtasūtakānnabhojane śūdraiḥ saha supte trirātramabhojanam || iti | paiṭhīnasiḥlavaṇaṃ vyañjanaṃ caiva ghṛtaṃ tailaṃ ca gorasam | lehyaṃ peyaṃ ca bhakṣyaṃ ca hastadattaṃ na bhakṣayet || etāni hastadattāni bhuktvā sāntapanaṃ caret | etadabhyāsaviṣayam | śaṃkhaḥpakṣi jagdhaṃ gavāghrātamavadhūtabhavakṣutam | keśakīṭāvapannaṃ ca mṛtprakṣepeṇa śudhyati || a' khaṃṇḍādarśo-keśakīṭādyupahate cānnaidvirvā ghṛtena vā | prakṣipya cājyapūtānnaṃ bhuñjīta prayatātmavān || keśaṃ kīṭaṃ nakhaṃ prāśya hyasthikaṇṭakameva vā | hemataptaṃ ghṛtaṃ pītvā tatkṣaṇādeva śudhyati || idamakāmakṛtaviṣayam | kāmatastu " dinamekamabhojanam " iti vijñāneśvareṇoktaṃ draṣṭavyam | pādme-caṇḍālaśvapacaiḥ spṛṣṭo vinmūtre kurute dvijaḥ |