Pramāṇa · Search · About · API

Ashtadashasmriti 35

Aṣṭādaśasmṛti 35

Language
Sanskrit

35.1

samāptamidaṃ dattapraṇītaṃ dharmaśāstram
oṃ tatsadbrahmaṇe namaḥ
de lasmṛtiḥ
sindhutīre sukhāsīnaṃ devalaṃ munisattamam | sametya munayaḥ sarve idaṃ vacanamabruvan

35.2

bhagavanmlecchanītā hi kathaṃ śuddhimavāpnuyuḥ | brāhmaṇāḥ kṣatriyā vaiśyāḥ śūdrāścaivānupūrvaśaḥ

35.3

kathaṃ snānaṃ kathaṃ śaucaṃ prāyaścittaṃ kathaṃ bhavet | kimācārā bhaveyuste tadācakṣva savistaram

35.4

devala uvāca —
triśaṅkūṃ varjayeddeśaṃ sarvaṃ dvādaśayojanam | uttareṇa mahānadyā dakṣiṇena tu kīkaṭam

35.5

prāyaścittaṃ pravakṣyāmi vistareṇa maharṣayaḥ

35.6

mṛtasūte tu dāsīnāṃ patnīnāṃ cānulominām | svāmitulyaṃ bhavecchaucaṃ mṛte svāmini yaunikam

35.7

apeyaṃ yena saṃpītamabhakṣyaṃ cāpi bhakṣitam | mlecchairnītena vipreṇa agamyāgamanaṃ kṛtam

35.8

tasya śuddhiṃ pravakṣyāmi yāvadekaṃ tu vatsaram | cāndrāyaṇaṃ tu viprasya saparākaṃ prakīrtitam

35.6-2

parākamekaṃ kṣatrasya pādakṛcchreṇa saṃyutam | parākārdhaṃ tu vaiśyasya śūdrasya dinapañcakam

35.10

nakhalomavihīnānāṃ prāyaścittaṃ pradāpayet | caturṇāmapi varṇānāmanyathā'śuddhirasti hi

35.11

prāyaścittavihīnaṃ tu yadā teṣāṃ kalevaram | kartavyastatra saṃskāro mekhalādaṇḍavarjitaḥ

35.12

mlecchairnītena śūdrairvā hārite daṇḍamekhale | saṃskārapramukhaṃ tasya sarvaṃ kāryaṃ yathāvidhi

35.13

saṃskārānte ca viprāṇāṃ dānaṃ dhetuśca dakṣiṇā | dātavyaṃ śuddhimicchadbhiraśvagobhūmikāñcanam

35.14

tadā'sau tu kuṭumbānāṃ paṅktiṃ prāpnoti nānyathā | svabhāryāṃ ca yathānyāyaṃ gacchanneva viśudhyati

35.15

atha saṃvatsarādūrdhvaṃ mlecchairnīto yadā bhavet | prāyaścitte tu saṃcīrṇe gaṅgāsnānena śudhyati

35.16

sindhusauvīrasaurāṣṭraṃ tathā pratyantavāsinaḥ | kaliṅgakauṅkaṇānvaṅgāngatvā saṃskāramarhati

35.17

balāddāsīkṛtā ye ca mlecchācāṇḍāladasyubhiḥ | aśubhaṃ kāritāḥ karma gavādiprāṇihiṃsanam

35.18

ucchiṣṭamārjanaṃ caiva tathā tasyaiva bhojanam | kharoṣṭraviḍvarāhāṇāmamiṣasya ca bhakṣaṇam

35.16-2

tatstrīṇāṃ ca tathā saṅgaṃ tābhiśca saha bhojanam | māsopite dvijātau tu prājāpatyaṃ viśodhanam

35.20

cāndrāyaṇaṃ tvāhitāgneḥ parākastvatha vā bhavet | cāndrāyaṇaṃ parākaṃ ca caretsaṃvatsaroṣitaḥ

35.21

saṃvatsaroṣitaḥ śūdro māsārdhaṃ yāvakaṃ pivet | māsamātroṣitaḥ śūdraḥ kṛcchrapādena śudhyati

35.22

ūrdhvaṃ saṃvatsarātkalpyaṃ prāyaścittaṃ dvijottamaiḥ | saṃvatsaraiścaturbhiśca tadbhāvamadhigacchati

35.23

hāso na vidyate yasya prāyaścittaṃ durātmanaḥ | guhyakacchaśirobhrūṇāṃ kartavyaṃ keśavāpanam

35.24

prāyaścittaṃ samārabhya prāyaścittaṃ tu kārayet | snānaṃ trikālaṃ kurvīta dhautavāsā jitendriyaḥ

35.25

kuśahastaḥ satyavaktā devalena hyudāhṛtam | vatsaraṃ vatsarā ardhaṃ vā māsaṃ māsārdhameva vā

35.26

balānamlecchaistu yo nītastasya śuddhistu kīdṛśī | saṃvatsaroṣite śūdre śuddhiścāndrāyaṇena tu

35.27

parākaṃ vatsarādvai ca parākārdhaṃ trimāsike | māsike pādakṛcchraśca nakharomavivarjitaḥ

35.28

pādoṃ kṣatriyasyoktamardhaṃ vaiśyasya dāpayet | prāyaścittaṃ dvijasyoktaṃ pādaṃ śūdrasya dāpayet

35.26-2

prāyaścittāvasāne tu dogdhrī gaurdakṣiṇā matā | tathā'sau tu kuṭumbānte hyupaviṣṭo na duṣyati

35.30

aśītiryasya varṣāṇi bālo vā'pyūnaṣoḍaśaḥ | prāyaścittārdhamarhanti striyo rogiṇa eva ca

35.31

ūnaikādaśavarṣasya pañcavarṣātparasya ca | prāyaścittaṃ caredbhātā pitā vā'nyo'pi vardhitaḥ

35.32

svayaṃ vrataṃ caretsarvamanyathā naiva śudhyati | tilahomaṃ prakurvīta japaṃ kuryādatandritaḥ

35.33

saṃlāpasparśaniśvāsasahayānāsanāśanāt | yājanādhyāpanādyaunātpāpaṃ saṃkramate nṛṇām

35.34

yājanaṃ yonisaṃbandhaṃ svādhyāyaṃ sahabhojanam | kṛtvā sadyaḥ patatyeva patitena na saṃśayaḥ

35.35

saṃvatsareṇa patati patitena sahā''caran | yājanāsanayajñādi kuryānnaḥ sārvakāmikam

35.36

ataḥ paraṃ pravakṣyāmi prāyaścittamidaṃ śubham | strīṇāṃ mlecchaiśca nītānāṃ balātsaṃveśane kacit

35.38

brāhmaṇī kṣatriyā vaiśyā śūdrā nītā yadā'ntyajaiḥ | brāhmaṇyaḥ kīdṛśaṃ nyāyyaṃ prāyaścittaṃ vidhīyate
brāhmaṇī bhojayenmlecchamabhakṣyaṃ bhakṣayedyadi | parākeṇa tataḥ śuddhiḥ pādenottaracottarān

35.36-2

na kṛtaṃ maithunaṃ tābhirabhakṣyaṃ naiva bhakṣitam | śuddhistadā trirātreṇa mlecchānnenaiva bhakṣite

35.40

rajasvalā yadā spṛṣṭā mlecchenānyaiva vā punaḥ | trirātramuṣitā snātvā pañcagavyena śudhyati

35.42

spṛṣṭvā rajasvalā'nyonyaṃ brāhmaṇī kṣatriyā tathā | trirātreṇa viśuddhiḥ syāddevalasya vaco yathā
spṛṣṭvā rajasvalā'nyonyaṃ brāhmaṇī śūdrajā tathā | pañcarātraṃ nirāhārā pañcagavyena śudhyati

35.43

brāhmaṇyanaśanaṃ kuryātkṣatriyā snānamācaret | sacailaṃ vaiśyajātīnāṃ naktaṃ śūdre vinirdiśet

35.44

mlecchācaṃ mlecchasaṃsṛṣṭau mlecchena saha saṃsthitiḥ | vatsaraṃ vatsarādūrdhvaṃ trirātreṇa viśuṣyati

35.45

mlecchairhatānāṃ caurairvā kāntāreṣu pravāsinām | bhuktvā madyamabhakṣyaṃ vā kṣudhārtena bhayena vā

35.46

punaḥ prāpya svakaṃdeśaṃ cāturvarṇyasya niṣkṛtiḥ | kṛcchramekaṃ caredviprastadardha kṣatriyaścaret | pādonaṃ ca
caredvaiśyaḥ śūdraḥ pādena śudhyati

35.47

gṛhītā strī balādeva mlecchairgarvīkṛtā yadi | gurvī na
śuddhimāpnoti trirātreṇottarā śuciḥ

35.48

yoṣāma garbhaṃ vidhatte yā mlecchātkāmādakāmataḥ | brāhmaṇī
kṣatriyā vaiśyā śūdrā varṇottarā ca yā

35.46-2

abhakṣyabhakṣaṇaṃ kuryāttasyāḥ śuddhiḥ kathaṃ bhavet
kṛcchraṃ sāṃtapanaṃ śuddhighṛtairyoniścapācanam

35.50

asavarṇena yo garbhaḥ strīṇāṃ yonau niṣicyate
aśuddhā sā bhavennārī yāvacchalyaṃ na muñcati

35.51

viniḥsṛte tataḥ śalye rajaso vā'pi
darśane | tadā sā śudhyate nārī vimalaṃ kāñcanaṃ yathā

35.52

sa garbho dīyate'nyasmai
svayaṃ grāhyo na karhicit | svajātau varjayedyasmātsaṃkaraḥ syāttato'nyathā

35.53

gṛhīte yo
balānamlecchaiḥ pañca ṣaṭ saptavā samāḥ daśādi viṃśati yāvattasya śuddhividhīyate

35.54

prājāpatyadvayaṃ tasya śuddhireśā vidhīyate | ataḥ paraṃ nāsti śuddhiḥ kṛcchūmeva sahoṣite

35.55

mlecchaiḥ sahoṣito yastu pañcaprabhṛti viṃśatiḥ | varṣāṇi śuddhireṣoktā tasya cāndrāyaṇadvayam

35.57

kakṣāguhyaśiraḥśmaśrubhrūlomaparikṛntanam | prāvṛtya pāṇipādānāṃ nakhaloma tataḥ śuciḥ |56!!
yo dātuṃ na vijānīti prāyaścitta dvijottamaḥ | śuddhiṃ dadāti cānyasmai tadaśuddheḥ sa bhājanam

35.58

saṃbhāyāṃ sparśane caiva mlecchena saha saṃviśeta | kuryātsnānaṃ sacailaṃ tu dinamekamabhojanam

35.56

mātā mlecchatvamāgacchedvipataro vā kathaṃcana | asūttakaṃ ca naṣṭasya devalasya vaco yathā

35.60

mātaraṃ ca parityajya pitaraṃ ca tathā sutaḥ | tataḥ pitāmahaṃ caiva śeṣapiṇḍaṃ tu nirvapet

35.61

strīṇāṃ caiva tu śūdrāṇāṃ patitānāṃ tathaiva ca | pañcagavyaṃ na dātavyaṃ dātavyaṃ mantravarjitam

35.62

varuṇo devatā sūtre gomaye havyavāhanaḥ | somaḥ kṣīre dadhina vāyughṛte ravirudāhṛtaḥ

35.63

gomūtraṃ tāmravarṇāyāḥ śvetāyāścaiva gomayam | payaḥ kāñcanavarṇāyā nīlāyāścāpi gordadhi

35.64

ghṛtaṃ vai kṛṣṇavarṇāyā vibhaktitavarṇagocarā | udakaṃ sarvavarṇaṃ syātkasya varṇo na gṛhyane

35.65

ṣaemātrikaṃ tu gomūtraṃ gomayaṃ ca kuśodakama | trimātrikaṃ ghṛtaṃ kṣīraṃ dadhi syādaśamātrikam

35.66

vrate tu sarvavarṇānāṃ pañcagavyaṃ tu saṃkhyayā | prāyaścittaṃ yathoktaṃ tu dātavyaṃ brahmavādibhiḥ

35.67

anyathā dāpayedyastu prāyaścittī bhaveddvijaḥ

35.68

kapilāyāścagordugdhvā dhāroṣṇaṃ yaḥ payaḥ piveta
eṣa vyāsakṛtaḥ kṛcchūḥ śpākamapi śodhayet

35.70

tilahomaṃ prakurvīta japaṃ kuryādatandritaḥ | viṣṇo
rarāṭamantreṇa prāyaścittīviśudhyati |.66|| bahunā'tra kimuktena tilahomo vidhīyate | tilāndattvā
tilānbhuktavā kurvītāghanivāraṇama

35.71

saṃpādayanti yadviprāḥ snānaṃ tīrthaphalaṃ tapaḥ | saṃpādī
kramate pāpaṃ tasya saṃpadyate phalam

35.72

prāyaścittaṃ samākhyātaṃ yathoktaṃ devalena tu | itareṣāmṛṣīṇāṃ ca nānyathā vākyamarhatha

35.73

suvarṇadānaṃ godānaṃ bhūmidānaṃ gavāhnikam | viprebhyaḥ saṃprayaccheta prāyaścittī viśudhyati

35.74

pañcāhānmahavāsena saṃbhāṣaṇasahāśanaiḥ | saṃprāśya pañcagavyaṃ tu
dānaṃ dattvā viśudhyati

35.75

ekadvitricatuḥsaṃkhyānvatsarānsaṃvasedyadi | mlecchavāsaṃ dvijaśreṣṭhaḥ
kramato dravyayogataḥ

35.76

ekahena tu gomūtraṃ vyahenaiva tu gomayam | tryahātkṣīreṇa saṃyuktaṃ caturthe
dadhimiśritam

35.78

pañcame ghṛtasaṃpūrṇaṃ pañcagavyaṃ pradāpayet | pañcasaptadaśāhāni pañcadaśācca viṃśatiḥ
77.| saṃvāsaṃ ca pravakṣyāmi dehaśuddhiṃ dvijanmanām | pañcāhaṃ pañcagavyaṃ syātpādakṛcchraṃ daśāhike

35.76-2

parākaṃ pañcadaśabhirviṃśe'tikṛcchrameva ca | udaraṃ praviśedyasya pañcagavyaṃ vidhānataḥ

35.80

yatkiṃcidduṣkṛtaṃ tasya sarvaṃ naśyati dehinaḥ | pañca saptāṣṭa daśa vā dvādaśāho'pi viṃśatiḥ
mlecchairnītasya viprasya pañcagavyāṃ viśodhanam

35.81

pañcagavyaṃ ca gokṣīraṃ dadhi mūtraṃ ghṛtaṃ payaḥ
prāśyāpare'hanyupavasetkṛcchraṃ sāṃtapanaṃ caret

35.82

pṛthaksāṃtapanaṃ dravyaiḥ ṣaḍahaḥ sopavāsakaḥ
saptāhena kṛcchro'yaṃ mahāsāṃtapanaḥ smṛtaḥ

35.83

parṇodumbararājīvabilvapatrakuśodakaiḥ | pratyekaṃ
pratyahaṃ pītaiḥpūrṇa kṛcchra udāhṛtaḥ

35.84

taptakṣīraghṛtāmbūnāmekaikaṃ pratyahaṃ pivet | ekarātropavāsaśca taptakṛcchrastu pāvanaḥ

35.85

ekabhaktena naktena tathaivāyācitena tu | upavāsena caikena pādakṛcchra
udāhṛtaḥ

35.86

kṛcchrātikṛcchraḥ payasā divasānekaviṃśatim | dvādaśāhopavāsena parākaḥ parikīrtitaḥ

35.87

piṇyākaśaktitakrāmbusaktūnāṃ prativāsaram | ekarātropavāsaśca kṛcchraḥ saumyaḥ prakīrtitaḥ

35.88

eṣāṃ trirātramabhyāsādekaikasya yathākramam | tulāpuruṣaṃ ityeṣa jñeyaḥ pañcadaśāhikaḥ

35.60-2

tithi vṛddhayā caretpiṇḍānśukla śikhaṇḍasaṃmitān | ekaikaṃ hāsayetpiṇḍānkṛcchracāndrāyaṇaṃ caret
yathākathaṃcitpiṇḍānāṃ catvāriṃśacchatadvayam | iti devala kṛtaṃ dharmaśāstraṃ prakīrtitam

Linked texts (10)