Ashtadashasmriti 7

Aṣṭādaśasmṛti 7

atha kāryaśataṃ sāgraṃ kṛtaṃ vedaśca dhāryate | sarvaṃ tattasya vedāgnirdahatyāgnirivendhanam

yathā'tiprabalo vahnirdahatyārdrānapi drumān | tathā dahati vedajñaḥ karmajaṃ doṣamātmanaḥ

yathā parvatadhātūnāṃ doṣā dahyanti dhāmyatām | tathendriyakṛtā doṣā dahyante prāṇanigrahāt

tapastapyati yo'raṇye munirmūlaphalāśanaḥ | ṛcamekāṃ ca yo'dhīte tacca tāni ca tatsamam

vedabalamāśritya pāpakarmmaratirbhavet | na hi kāmakṛtaṃ pāpaṃ vedena pratihanyate

yājanādhyāpanādyaunāttathaivāsatpratigrahāt | vipreṣu na bhaveddoṣo jvalanārkasamo dvijaḥ

madhuparke ca some ca apsu prāṇāhutīṣu ca | nocchiṣṭastu bhavedvipra ātreyavacanaṃ yathā

śaṅkāsthāne samutpanne bhakṣyabhojyasamanvite | āhāraśuddhiṃ vakṣyāmi tāṃ me nigadataḥ śṛṇu

amlāralavaṇaṃ yatnātpibedbrāhmīṃ suvarcalām | trirātraṃ śaṅkhapuṣpīṃ vā brāhmaṇaḥ payasā saha

palāśabilvapatrāṇi kuśaṃ padmamudumbaram | kvāthayitvā pibedambhastrirātreṇaiva śudhyati

haviṣyaṃ prātaraśnīyānhaviṣyaṃ sāyameva ca | haviṣyāyācitaṃ tryahamupavāsaṃ tryahaṃ caret

atha cettvarate kartuṃ divasaṃ mārutāśanaḥ | rātrau jale sthito vyuṣṭaḥ prājāpatyena tatsamam

duriteṣu tvariṣṭānāṃ pāpānāṃ mahanāmapi | sarveṣāṃ copapānāṃ śuddhiborderścāndrāyaṇaṃ bhavet

ekaikaṃ vardhayedgrāsaṃ śukle kṛṣṇe ca hāsayet | amāvāsyāṃ na bhuñjīta eṣa cāndrāyaṇo vidhiḥ

gāyatryaṣṭasahasraṃ tu japyaṃ kṛtvā sthite ravau | mucyate sarvapāpebhyo yadi na brahmahā bhavet

ityātreye dharmaśāstre tṛtīyo'dhyāyaḥ ||3

Linked texts (6)