Atreyasmriti 3.p1

3.p1

yacca kāryyaṃ śataṃ sāyaṃ kṛtaṃ vedya ca sādhyate
sarvvaṃ tattasya vedāgnirdahatyagnirivendhanam
yathā jātabalo vāgnirhṛtyārdrānapi drumān
tathā dahati vedajñaḥ karmajandoṣamātmanaḥ
yathā mahāhrade loṣṭaṃ kṣiptaṃ sarvvaṃ vinaśyati
'evamātmakṛtaṃ pāpaṃ trayī dahati dehinaḥ
na vedabalamāśritya pāpakarmmāratirbhavet
ajñānācca pramādācca dahyate karmma netarat
tapastapati yo'raṇye munirmūlaphalāśanaḥ
ṛcamekāñca yo'dhīte tacca tānica tatphalam
vedābhyāso yathāśaktyā mahāyajñakriyā kṣamā
nāśayatyāśu pāpāni mahāpātakajānyapi
itihāsapurāṇābhyāṃ vedaṃ samupavṛṃhayet
bibhetyalpaśrutādvedāmāmayaṃ pratariṣyati
yājanādhyāpanāddānāttathaivāhuḥ pratigrahāt
vipreṣu na bhaveddoṣo jvalanārkasamāhite
śaṅkāsthāne samutpanne bhakṣyabhojyapratigrahe
āhāraśuddhiṃ vakṣyāmi tanme nigadataḥ śṛṇu
sarvvavedapavitrāṇi vakṣyāmyaha mataḥ param
yeṣāṃ japaiśca homaiśca tilakaspaśya saṃvratā
aghamarṣaṇaṃ vedavata' śuddhavatyastaratsamāḥ
kuṣmāṇḍaḥ pāvamānaśca durgā sāvitrireva ca
śatarudraṃ dharmmaśira' trisuparṇaṃ mahāvratam
aniṣaṅgādayastobhāsāmāni vyāhṛti stathā
gāruḍāni ca sāmāni gāyatrī raivataṃ tathā
puruṣavratañca bhāvañca tathā vedavratāni ca
avliṅgā vārhaspatyaṃ ca vāksūktañcāmṛtaṃ tathā
gausūktañcāśvasūktañca indraśuddheca sāmani
naukṣākhyadohāni rathantarañca magnevrataṃ vāmadevyaṃ bṛhacca
etāni japyāni punāti pāpānjātismaratvaṃ labhate yadicchet
agne rapatyaṃ prathamaṃ hiraṇyaṃ bhūrvaiṣṇavī sūryyasutāśca gāvaḥ
lokāstrayastena bhavanti dattāḥ yaḥ kāñcanaṅgāñca mahīñca dadyāt
sarveṣāmeva dānānāmekajanmānugaṃ phalam
hāṭakakṣitidhenūnāṃ saptajanmānugaṃ phalam
sarvakāmaphalā vṛkṣā nadyaḥ pāyasakarddamāḥ
kāñcanā yatna prāsādā statva gacchanti gopradāḥ
vaiśākhyāṃ paurṇamāsyāntu brāhmaṇān sapta pañca vā
tilacaudreṇa saṃyuktāṃ starpayitvā yathāvidhi
prīyatāṃ dharmmarājeti yaddā manasi varttate
yāvajjīvakṛtaṃ pāpaṃ tatkṣaṇādeva naśyati
suvarṇanābhaṃ yo dadyāt sumukhaṃ kṣatamāgaiṃkam
tilairddadyāttasya puṣpaphalaṃ puṇyaṃ ca yat śṛṇu
sā suvarṇadharā dhenussaśailavanakānanā
yā tu sāgaraparyyantā bhaveddattā na saṃśayaḥ
tilān kṛṣṇājine kṛtvā suvarṇaṃmadhusarpiṣā
dadāti yastu viprāya sarvaṃ tarati duṣkṛtam