Smritisaroddhara 1.p156
Smṛtisāroddhāra 1.p156
- Language
- Sanskrit
1.p156
atha vaiśākhī | yamagāthāsu | ‘yastu kṛṣṇājinaṃ dadyātsakhuraṃ śṛṅgasaṃyutam | tilaiḥ pracchādya vāsobhiḥ sarvaratnairalaṃkṛtam| vaiśākhyāṃ paurṇamāsyāṃ tu viśākhāsu viśeṣataḥ | sasamudraguhā tena saśailavanakānanā | saptadvīpānvitā dattā pṛthivī nātrasaṃśayaḥ’ | viṣṇuḥ | ‘kṛṣṇājinaṃ tilān kṛṣṇān hiraṇyaṃ madhusarpiṣī | dadāti yastu viprāya sarvantarati duṣkṛtam’ | ādityapurāṇokto vaiśākhīvidhiḥ | tilaiḥ snānahomau | tilamodakādidānam | saptajanmāghakṣayaḥ | bhaviṣyottare | ‘vaiśākhī kārttikī māghī tithayo'tīva pūjitāḥ | snānadānavihīnāstā na neyāḥ pāṇḍunandana | kumbhān svacchajalaiḥ pūrṇāndhiraṇyānnasamanvitān | vaiśākhyāṃ brāhmaṇe datvā naśocati kṛtākṛtaiḥ’
Linked texts (2)
- Pratāpārka — Viśveśvarabhaṭṭa 1766, Sanskrit
- Cakranārāyaṇīyanibandha — Viśvambharatrivedin 1600, Sanskrit