Smritisaroddhara 1.p172

1.p172

hiraṇyā mahāsatī | brahmaṇaḥ prīṇanārthāya brāhmaṇaḥ pratigṛhyatām' | iti haviṣyānnabhojanam | 'vratenānena rājendra vaidhavyaṃ nāpnuyātkvacit' iti || atha kārttikyamāvāsyā sukharātrirucyate | brāhme | 'amāvāsyāyāṃ tu devāḥ kārttike māsi keśavāt | abhayaṃ prāpya suptāstu sukhaṃ kṣīrodasānuṣu | lakṣmīrdaityabhayānmuktā sukhaṃ suptāmbujodare | atortha vidhivat kāryyā manuṣyaiḥ sukhasuptikā | divā tatra na bhoktavyamṛte bālāturākṣamān | pradoṣasamaye lakṣmīṃ pūjayitvā yathākramam | dīpavṛkṣāstathā kāryyā śaktyā devagṛheṣu ca | dīpamālāparikṣipte pradoṣe tadanantaram | brāhmaṇānbhojayitvādau vibhojyaca bubhukṣitān | alaṅkṛtena bhoktavyaṃ navavastropaśobhinā | snigdhaiḥ śūdrairvidagdhaiśca bāndhavairnibhṛtaiḥ saheti | asyāmeva rājā kaumudīmahotsavaṃ