Smritisaroddhara 1.p186
Smṛtisāroddhāra 1.p186
- Language
- Sanskrit
1.p186
kārttikāṃ tat punarhaimaṃ brāhmaṇāya nivedayet | sa vaiṣṇavaṃ padaṃ yāti viṣṇuvratamidaṃ smṛtam || mahāphalāni yasyyaktā caturmāsaṃ dvijātaye | haimāni kārttike dadyād gopradānasamaṃ tataḥ | etatphalavrataṃ nāma sūryyalokaphalapradam || cāturmāsyavrataṃ nityam | yadāha mahābhārate | vārṣikāṃścaturo māsān vāhayetkenacinnaraḥ | vratena nocedāpnoti kalmaṣaṃ vatsarodbhavam || tathā | vārṣikāṃścaturo māsāntrataṃ kiñcitsamācaret | asambhave tulārke ca karttavyaṃ tatprayatnataḥ || etadvratopakrame mantrāvāha sanatkumāraḥ || ‘idaṃ vrataṃ mayādeva gṛhītaṃ puratastava | nirvighnaṃ siddhimāyātu prasanne tvayi keśava || gṛhīte'sminvrate deva yadyapūrṇe mriyāmyaham | tato bhavatu saṃpūrṇaṃ tvatprasādājjanārdana’ || mahābhārate| caturddhā gṛhya vai cīrṇaṃ cāturmāsyavrataṃ naraḥ | kārttike śuklapakṣe tu dvādaśyāṃ tatsamāpayet || caturddhā ekamādiprakāracatuṣṭayeneti
Linked texts (3)
- Kṛtyakalpataru — Lakṣmīdhara Bhaṭṭa, Sanskrit
- Vratakāṇḍa — Lakṣmīdhara, Sanskrit
- Cakranārāyaṇīyanibandha — Viśvambharatrivedin 1600, Sanskrit