Smritisaroddhara 1.p206
Smṛtisāroddhāra 1.p206
- Language
- Sanskrit
1.p206
śrāddhadeśāḥ rādisaṃyukte śrāddhaṃ kuryātprayatnataḥ' | parakīyagṛhaniṣedhamāha yamaḥ | 'parakīyapradeśe tu pitṝṇāṃ nirvapettu yaḥ | tadbhūmisvāmipitṛbhiḥ śrāddhakarmma vihanyate' | parakīyapradeśāḥ parasvīkṛtagṛhāḥ | tīrthādyabhāve gṛhasvāmipitṛbhyo'grabhāgaṃ jīvate ca gṛhasvāmine kiñcinniṣkrayarūpaṃ dadyāt | tadāha yamaḥ | 'agrabhāgaṃ tatastebhyo dadyānmūlyaṃ ca jīvatām' | tīrthādiṣu bhūsvāmidānābhāvaḥ | taduktaṃ purāṇasamuccaye | 'aṭavī parvatāḥ puṇyā nadītīrāṇi yāni ca | sarvāṇyasvāmikānyāhurnahi teṣu parigrahaḥ' | tathā | 'vanāni girayo nadyastīrthānyāyatanāni ca | devakhātaṃ ca garttaśca na svāmī teṣu vidyate' | kṣayāhe cāndro māso grāhyaḥ | 'ābdike pitṛkāryye ca māsaścāndrasamaḥsmṛta' iti vacanāt | yattu | 'yasmin rāśau gate sūryye vipattiṃ yāti mānavaḥ | tadrāśāveva karttavyaṃ pitṛkāryyaṃ mṛtehanīti, tadadhimāsamṛtaviṣayam | 'adhimāsamṛtānāṃ tu sauraṃ mānaṃ samāśrayet | sa eva divasastasya śrāddhapiṇḍodakādiṣu' iti vacanāditi
Linked texts (1)
- Cakranārāyaṇīyanibandha — Viśvambharatrivedin 1600, Sanskrit