Smritisaroddhara 2.p100.2

2.p100.2

gacchenna tu dhāvet ' na pradhāvecca varṣatīti manusmaraṇāt | pratyakśirā na ceti cakārānnana ekaśca śūnyagṛhe na śayīta | na ca nagnaḥ śayīteti vacanāt | naikaḥ svapyācchūnyagṛhe iti vacanācca | 'ṣṭhīvanāsṛkśakṛnmūtraretāṃsyapsu na nikṣipet | pādau pratā nayennāgnau na cainamabhilaṅghayet' | manuḥ 'nāmedhyaṃ prakṣipedagnau na ca pādau pratā nayet | adhastānnopaddhyācca na cainamabhilaṅghayet | na cainaṃ pādataḥ kuryānna prāṇābādhamācaret'| tathā 'jalaṃ pibennāñjalinā na śayānaṃ prabodhayet | nākṣaiḥ krīḍeta dharmaghnairvyādhitairvā na saṃviśet' | śayānaṃ śreṣṭhaṃ na prabodhayet | 'viruddhaṃ varjjayatkarma pretadhūmaṃ nadītaram | keśabhasmatuṣāṅgārakapāleṣu ca saṃsthitim | nācakṣīta dhayantīṃ gāṃ nādvāreṇa viśetkvacit | na rājñaḥ pratigṛhṇīyāllubdhasyocchāstravarttinaḥ | pratigrahe sūnicakradhvajiveśyānarādhipāḥ | duṣṭā daśaguṇaṃ pūrvātpūrvādete yathottaram' | sūnī vadhyaghātakaḥ | dhvajī śauṇḍikaḥ | tathā 'devarttiksnātakācāryyarājñāṃ chāyāṃ parastriyāḥ | nākrāmedṛktaviṇmūtraṣṭhīvanodvarttanāni ca'| manuḥ | 'devatānāṃ gurorājñaḥ snātakācāryyayorapi | nākrāmetkāmataśchāyāṃ babhruṇī dīkṣitasya ca'| babhruṇī nakulavarṇasya | 'udvarttanamalasnānaṃ viṇmūtre raktameva ca | śleṣmaniṣṭhyūtavāntāni nādhitiṣṭheta kāmataḥ | yājñavalkyaḥ 'viprāhikṣatriyātmāno nāvajñeyāḥ kadācana | āmṛtyoḥ śriyamākāṃkṣanna kañcinmarmāṇi spṛśet ' | vipro bahuśruto brāhmaṇaḥ, ahiḥ sarpaḥ | kṣatriyo nṛpatiḥ | ātmā svātmā | 'dūrāducchiṣṭaviṇmūtrapādāṃbhāṃsi samutsṛjet |