Smritisaroddhara 2.p33

2.p33

stṛṇakāṣṭhamayaistathā | sugandhibhistathā dravyairnocchiṣṭastu bhavedvijaḥ' | yājñavalkyaḥ "mukhajā vipruṣomedhyāstathācamanavindavaḥ | śmaśru cāsyagataṃ dantasaktaṃ saktamataḥ śuciḥ | manuḥ 'ucchiṣṭena tu saṃspṛṣṭo dravyahastaḥ kathañcana | anidhāyaiva tadddravyamācāntaḥ śucitvāyāt | spṛśanti vindavaḥ pādau ya ācāmayataḥ parān | bhaumikaiste samā jñeyā natairāprayato bhavet | gautamaḥ 'na mukhavipruṣaḥ ucchiṣṭaṃ kurvanti nacedaṅge nipatanti | tathā 'dadhisarpiḥpayaḥkṣaudrabhāṇḍe doṣo na vidyate| mārjāraścaiva darvī ca mārutaśca sadā śuciḥ' | tathā 'ajāśvaṃ mukhato medhyaṃ gāvo medhyā mukhāhate | mārjāranakulo spṛṣṭau śubhāśca mṛgapakṣiṇaḥ | upaghātasandehe manuḥ 'trīṇi devāḥ pavitrāṇi brāhmaṇānāmakalpayan | adṛṣṭamadbhirnirṇiktaṃ yacca vācā praśasyate' || śrīviśvambharavihite smṛtisāroddhārasaṃjñake granthe || śuddhivinirṇayanāmāgāduddhāro'ṣṭamaḥ pūrtim || 8 || garbhādhānādikālānāṃ kālaśuddheśca nirṇayam | prakīrṇakaṃ pravakṣyāmo navame navamedhayā || 9