Smritisaroddhara 2.p41.3

2.p41.3

krośamātraṃ bhavatseva gāṅgeyasyeva pāthasaḥ | tulasīropitā spṛṣṭā dṛṣṭā siktā ca pāvayet | ārādhitā prayatnena sarvakāmaphalapradā | caturṇāmapi varṇānāmāśramāṇāṃ viśeṣataḥ| strīṇāṃ ca puruṣāṇāṃ ca pūjiteṣṭaṃ dadāti sā | pradakṣiṇaṃ bhramitvā ye namanti tulasīṃ narāḥ| na teṣāṃ duritaṃ kiñcitprakṣī ṇamavaśiṣyate | ananyadarśanāḥ prātaḥ paśyanti tulasīṃ narāḥ| ahorātrakṛtaṃ pāpaṃ tatkṣaṇātprahaṇanti te | tulasīsaṃnidhāne tu ye tyajanti kalevaram | na teṣāṃ narake vāsaste yānti paramaṃ padam | pādme ‘ na paśyati yamaṃ vaiśya tulasīvanaropaṇāt | sarvapāpaharaṃ sarvakāmadaṃ tulasīvanam | tulasīkānanaṃ vaiśya gṛhe yasmiṃstu tiṣṭhati | tadgṛhaṃ tīrthabhūtaṃ hi na yānti yamakiṅkarāḥ | tulasīgandhamāghrāya pitarastuṣṭamānasāḥ | prayānti garuḍārūḍhāstatpadaṃ cakrapāṇinaḥ | darśanaṃ narmadāyāstu gaṅgāsnānaṃ viśāṃvara | tulasīvanasaṃsparśaḥ samametattayaṃ smṛtam | ropaṇātpālanātsekāddarśanātsparśānāttathā | tulasī dahate pāpaṃ vāṅmanaḥkāyasambhavam | pakṣe pakṣe tu samprāpte dvādaśyāṃ vaiśyasattama | brahmādayopi kurvanti tulasīdalapūjanam | maṇikāñcanapuṣpāṇi tathā muktāmayāni ca | tulasīpatradānasya kalāṃ nārhanti ṣoḍaśīm | tulasīmañjarībhiryaḥ kurute viṣṇupujanam | na sa garbhagrahaṃ yāti muktibhāgī bhavennaraḥ | pakṣānte ravisaṃkrāntau dvādaśyāṃ sandhyayorniśi | tulasīṃ ye vicinvanti te cchindanti hareḥ śiraḥ| vāmanapurāṇe 'tāvadgarjanti pakṣīndra mṛdastīrthasamudbhavāḥ | yāvanna dṛśyate bhāle tulasīmūlamṛttikā || atha dhātrīmāhātmyam |