Smritisaroddhara 2.p55

2.p55

atha madhyāhnasnānasandhyāvandanānantaraṃ brahmayajñaḥ | tatra yogiyājñavalkyaḥ 'pradakṣiṇaṃ samāvṛttya namaskṛtyopaviśya ca | darbheṣu darbhapāṇiḥ sanprāṅmukhastu kṛtāñjaliḥ | svādhyāyaṃ ca yathāśakti brahmayajñaṃ samācaret' | gautamaḥ 'atha yadi vāto vāyāt stanayedvā vidyut patedvā ekāsṛcamekaṃ vā yajurekaṃ vā sāmābhivyāharet | bhūrbhuvaḥ svaḥ satyaṃ tapaḥ śraddhāyāṃ juhomītipaṭhet' | stanayedityādi sarvānadhyāyopalakṣaṇam | yājñavalkyaḥ 'vedātharvapurāṇāni setihāsāni śaktitaḥ | japayajñaprasiddhyarthaṃ vidyāṃ cādhyātmikīṃ japet' | japayajño brahmayajñaḥ | tasyāpyajñāne gāyatrīmātrajapaḥ| baudhāyanaḥ 'apa ācamya darbheṣyāsīno darbhān dhārayamāṇaḥ sāvitrīṃ sahasrakṛtva āvarttayet śatakṛtvo'parimitakṛtvovā daśāvarāmiti | bṛhaspatiḥ ' sa cārjyākta tarpaṇātkāryaḥ paścādvā prātarāhuteḥ | vaiśvadevāvasāne vā nānyatheti viniścayaḥ'| sa brahmayajñaḥ, vaiśvadevāvasāne hantakārānte| yadāha śrutiḥ 'devayajño brahmayajñaḥ pitṛyajño manuṣyayajño bhūtayajña iti | kaumrme 'yadi syāttarpaṇādarvāk brahmayajñaḥ kṛto nahi | kṛtvā manuṣyayajñaṃ ca tataḥ svādhyāyamārabhet' | manuṣyayajñaṃ satakādyuddeśyakaṃ natvatithiyajñamiti sabhyāḥ | grāmamadhye manasyeva brahmayajñaṃ kuryāt | 'grāme manasā svādhyāyamadhīyīta divānaktaṃ ceti śruteḥ | iti vidyātapoyoniyoṃnirviṣṇurīḍitaḥ | brahmayajñārcito devaḥ prīyatāṃ me janārddanaḥ