Smritisaroddhara 2.p82

2.p82

atha bhojanottarakṛtyam || dakṣaḥ || 'bhuktvā tu sukhamā sthāya tadannaṃ pariṇāmayet | itihāsapurāṇādyaiḥ ṣaṣṭhasaptamakau nayet' || ṣaṣṭhasaptamakau divasāṃśau | yājñavalkyaḥ | 'ahaḥśeṣaṃ samāsīta śiṣṭairiṣṭaiśca baṃdhubhiḥ | upāsya paścimāṃ saṃdhyāṃ hutvāgnīṃstānūpāsyaha || bhṛtyaiḥ parivṛto bhuktvā nātitṛpto'tha saṃviśet || vyāsaḥ || 'maṅgalyaṃ pūrṇakuṃbhaṃ ca śirasthāne nidhāya ca | vaidikairgāruḍaimrmantrai rakṣāṃ kṛttvā svapettataḥ' | viṣṇupurāṇe 'gacchecchayyāmasphuṭitāmekadārumayīṃ nṛpa | prācyāṃ diśi śiraḥ śastaṃ yāmyāyāmathavā nṛpa | sadaiva svapataḥ puṃso viparītaṃ tu rogadam || mārkaṇḍeyaḥ || 'śūnyālaye śmaśāne ca ekavṛkṣe catuṣpathe | mahādevagṛhe vāpi mātṛveśmani na svapet || pracetāḥ | 'na sandhyāyāṃ svapet na devatāsamīpe na vedasamāptau nāśurca nagno na viśīrṇakhadvāyāṃ na bhūtayakṣagṛhāyataneṣu na śmaśānavalmīkamahāvṛkṣacchāyāsu ceta | viṣṇuḥ| 'nārdrapādaḥ svapenna palāśaśayane na pañcadārukṛte na gajabhagnakṛte na vidyuddagdhakṛte nāgnilluṣṭe na parasiktadrumaje nārimadhye na dhānyagorguruhutāśanagurūṇāmupari nocchiṣṭe diveti || vaiṣṇave || 'sakāmaḥsānurāgaśca vyavāyaṃ puruṣo vrajet || yamaḥ| 'ṛtustu ṣoḍaśāhāni