Vyavaharamayukha 3.p225

3.p225

sādhāraṇeṣu kāleṣu viśeṣo nāsti varṇinām | mṛtāhe tvekamuddiśya kuryuḥ śrāddhaṃ yathāvidhi || iti tadapi kātyāyanīyasamānārthameva | ayamarthaḥ | byāmuṣyāyaṇadattakādayo janakapratigrahītroḥ kule mṛtānāṃ svavargaistatpitrādibhiḥ saha sapiṇḍīka5raṇaṃ kuryuḥ dattakādiputrāstu teṣāṃ janakapratigrahītṛbhyāṃ saha kuryuḥ tatpautrā api svapitaraṃ dattakena pitāmahena tajjanakena prapitāmahena caturthe puruṣe tatprapautre chandaḥ icchā pratigrahītāramuccārayenna veti janakaṃ tūccārayedeva sādhāraṇeṣvamāvāsyādikāleṣu janakapratigrahītṛvargiṇāṃ śrāddhaṃ kāryaṃ mṛtāhe tvekamevoddiśyaikoddiṣṭaṃ śrāddhaṃ kuryāditi || 10kecittu kevaladattakasyāvidhānātsa nāstyeva āvayorasāviti saṃvidaśca vidhānābhāvāttāṃ vinā gṛhītopi byāmuṣyāyaṇa eva tenaiva ca janakapratigrahītroruddeśenāmāvāsyādiṣu śrāddhadvayamekaṃ vā śrāddhaṃ kāryaṃ tatputreṇa tu dattakasya tajjanakapratigrahītṛbhyāṃ dvābhyāmapi saha sapiṇḍīkaraṇapārvaṇaśrāddhādi kāryaṃ evaṃ tatputrādibhirapītyāhuḥ | taccintyam | 15yadyapi kevaladattakaḥ kvāpi śabdato noktastathāpi pūrvoktamanuvacanena ( manu. 9. 142 ) janakādīnāṃ saṃbandhamātranivṛtteruktatvāt byāmuṣyāyaṇe tadabhāvādarthātsidhyatyeva | kiṃ ca | ūrdhvaṃ saptamātpitṛbandhubhyo bījinaśca mātṛbandhubhyaḥ pañcamāt-iti gautamīyena (gau. dha. sū.4.3)