The Law Code of Parāśara p208
Parāśaramādhavīya (Vidvanmanoharā) p208
- Language
- Sanskrit
p208
samānāni vijānīyānmadyānyekādaśaiva tu' | (pu. smṛ. 1. 12-13) iti | ekādaśānāmanyatamasya madyasya pāne mahānadītīre cāndrāyaṇaṃ caritvā brāhmaṇabhojanaṃ kṛtvā dakṣiṇāṃ dadyāt | tadetat kāmakāraviṣayam | akāmakāre tu bṛhaspatirāha'pītvā pramādato madyamatikṛcchraṃ cared dvijaḥ | kārayettasya saṃskāraṃ śaktyā viprāṃstu bhojayet' || (bṛ. smṛ. 4. 23) iti | tadetanmadyapānaprāyaścittaṃ brāhmaṇasyaiva | na kṣatriyavaiśyayoḥ | madyapānasya brāhmaṇampratyeva niṣedhāt | 'yakṣa-rakṣaḥ-piśācānnaṃ madya-māṃsa-surāsavam | tad brāhmaṇena nāttavyaṃ devānāmaśnatā haviḥ' || iti smaraṇāt |