Subodhinipaddhati 32.5

32.5

kanyāpakṣīyasyaitatkarma | evaṃ abhiṣekānantaraṃ vivāhavedyāṃ
sammārgādisusaṃskṛte sthaṇḍile "yojakanāmānamagniṃ pratiṣṭhāpayāmi"
ityagniṃ nidhāyāgneḥ sthāpanaṃ kāryam | athānekamaṅgalatūryavedaghoṣeṇa
samāgacchati vare arhaṇakartā'rhaṇasthāne sammārjanādibhiḥ saṃskṛtāyāṃ bhuvi sakuśaṃ prāgagramudagagraṃ āsanadvayaṃ nidhāya, kanyāpitrādiḥ
pūrvāgrāsane udaṅmukha upaviśya arhaṇadravyāṇyāsādayet
viṣṭaradvayaṃ pañcaviṃśatikuśamayaṃ vāmāvartalambakeśam | tatastāmrapātrasthaṃ udakaṃ kuśakusumadūrvākṣatacandanopetaṃ pādyapātram | dadhipuṣpākṣatayutamudakaṃ kāṃsyapātrasthaṃ arghyam | tāmrapātrasthaṃ śuddhodakamācamanārthamācamanīyam | kāṃsyapātrasthitāni kāṃsyapātrāpihitāni ghṛta-dadhi-madhūni dadhi-madhu-dugdhāni vā, madhudadhyudakāni
vā madhuparkārtham | tata ācārātparidhānottarīyavastradvayaṃ, sopavītam | kuṇḍale | mudrikā, candanaṃ, akṣatāḥ, puṣpāṇi | evametāni
prāgudaksaṃsthāni vā āsādya, gṛhadvāri samāgataṃ varamācārātkanyājananī tilakādibhiryathācāraṃ sampūjya, (1)tamagrataḥ kṛtvā, arhaṇasthāne nayet | tatrārhaṇīyo'rhaṇasthānaṃ nyastodagagrāsanātpaścimatostitaṣṭhedāviṣṭaradānam | tatastatra samprāptamarhaṇīyaṃ pratyutthānābhivādanādibhiḥ satkṛtya, kanyāpitā svāsane samupaviśyācamya prāṇamayamya
deśakālau saṅkīrtya "sakalavighnaughavidhvaṃsanāya vināyakamahaṃ
pūjayiṣye" iti saṅkalpya, gandhādidakṣiṇāmtairupacārairvighneśaṃ sampūjya, pūjāṃ parisamāpya, punarācāmet | tataḥ prāṇamayamya, tāmrapātre śuddhodakamāpūryya, gāyatryā'bhimantrya, kuśāgragṛhītajalairarhaṇīyopahārānmrokṣya, deśakālau saṅkīrtya "asya vaivāhyasya kanyādānāṅgabhūtaṃ madhuparkeṇārcanamahamaṃ kariṣye"iti saṅkalpya, arhaṇīyaśākhoktavidhinā arhayet | tato'rhaṇakartāra uttarasyāṃ diśi baddhāṃ gāṃ
abhimukhībhūya upatiṣṭherannarhaṇā putravāsaseti | arhaṇetyasya vāsiṣṭho nicṛdanuṣṭup dhenuḥ gorupasthāne viniyogaḥ
oṃ arhaṇā putravāsasā dhenurabhavadyame
sā naḥ payasvatī duhā uttarāmuttarām̐ samām
tato'rhaṇīyastatrasthito'rhaṇakartṛṣu upasthiteṣu arhaṇārambhasyamarū 23 tāḥ| yā 23 syā| vāryyamaṇābhā 234 go 6
hāi || yāsyā | vāryyamaṇābhā 23 gāḥ | āye 2 nāmī 2
trāvaruṇākarāmā 23 hāi | āye 2 nāmī 2 | trāvaruṇākarāmā
23 hāi | ā 23 indrāma | ava semā 234 ho 6 hāi