Subodhinipaddhati 36.1

36.1

tataḥ samācārādubhāvāgniṃ tūṣṇīṃ parikramyāgneḥ paścātpūrvavadupaviśataḥ | atha varo vyāhṛticatuṣṭayaṃ hutvā, punastrayamba juhuyāt
tataḥ samidādhānādi tantraṃ samāpya pūrṇapātraṃ dakṣiṇāṃ ca dadyāt
athottaravivāhaḥ
tatra tasminsthānādaiśānyāṃ diśi yadabhirūpaṃ brāhmaṇagṛhaṃ tatra
tadabhāve'nyatrāpi yadabhirūpaṃ brāhmaṇagṛhaṃ tatra varasahāyāḥ aśvādinā vadhūvarau nayeyuḥ | yadi vivāhāgnirgṛhyāgnitvena parigṛhīto
bhavati, tadā samidādau samāropya tamagniṃ nayet | athavā śakaṭe
āropya pratyaco neyaḥ | tatra saṃmārgādi-susaṃskṛte kuṇḍe sthaṇḍile
vā gṛhyāgniṃ laukikāgniṃ vā saṃsthāpya, ājyatantreṇāsādanādivyāhṛtitrayahomāntaṃ kuryāt | athānyaḥ kaścidagneḥ paścimatò raktavṛṣabhacarma tadabhāve'nyavarṇamapi prāggrīvamuparikṛtalomabhāgamāstīrya
tasminkṛtamaunāṃ vadhumupaveśayet | abhirūpabrāhmaṇagṛhābhāve vivāhavedyāñcedaitatkriyate tadā vivāhāgnereva paścimatastādṛśaṃ carmāstīrya,
vadhūmṛpaveśayet | sā nakṣatradarśanaparyantamupaviṣṭaiva tiṣṭhenna bhuñjīta
nottiṣṭhedanyatra mūtrādikaraṇāt | etaddivā vivāhaviṣayam
gorajādilagnavaśādrātrivivāhe tu kāladeśakatraikyāttantreṇānuṣṭhānena karmadvayaṃ kuryāt | tatraivaṃ kramaḥ-pāṇigrahaṇajapa-caturthaparikramaṇānantaraṃ vyāhṛticatuṣṭayaṃ trayaśva hutvā, uttaratantrāṅgaṃ vyāhṛtitrayaṃ hutvā, carmopaveśanam | tato "dṛśyate dhruva" iti kenacidukte varo lekhāsandhiṣvityādiṣaṇmantraiḥ ṣaḍājyāhutīrjuhuyāt
ṣaṇṇāmāhutīnāṃ hutaśeṣamājyabinduṃ vadhvāḥ śirasi pātayet | lekhā
sandhiṣvityādīnāṃ ṣaṇṇāṃ prajāpatiranuṣṭup kanyā home viniyogaḥ
oṃ lekhā sandhiṣu pakṣmasvāvartteṣu ca yāni te
tāni te pūrṇāhutyā sarvāṇi śamayāmyaham