Subodhinipaddhati 37.1-3

37.1-3

tatra pātrāsādane srugāsādanaṃ na, anupayogāt | tatra pradhānadevatāḥ
1-agnaye tvā juṣṭaṃ nirvapāmi | 2-prajāpataye tvā0 | 3-viśvebhyo devebhyastvā0| 4-anumataye0 | evaṃ nirūpya kaṇḍanādipūrvakaṃ caruṃ śrapayitvā, pātrasammārgānte carāvājyaṃ prakṣipya, mekṣaṇena
pradhānahomaḥ | nātrājyabhāgau
1-oṃ agnaye svāhā | idamagnaye na mama | 2-oṃ prajāpataye
svāhā | idaṃ prajāpataye na mama | 3-oṃ viśvebhyo devebhyaḥ svāhā !
idaṃ viśvebhyo deve0| 4-oṃ anumataye svāhā | idamanumataye0
atha vyāhṛticatuṣṭayaṃ hutvā punastrayambakaṃ hutvā, vasubhyaḥ svāheti
caruśeṣaṃ pātrāntare samuddhṛtya abhimantraṇa-bhojanādi-vāmadevyagānāntamuktavatkāryam || iti samaśanīyacaruḥ
atha patigṛhagamanam
tacca vivāhadivasādārabhya dinapañcakaparthyantamuktavāranakṣatra
yutāyāṃ tithāvasambhave deśāntaravaśataśca ṣaṣṭhaṃ dinaṃ vihāya sameṣu
divaseṣu ṣoḍaśadivasaparyantaṃ praśastanakṣatra-vāra-yute'hani kāryam
tatra patigṛhagamanāya rathāśvādiyānamārohantyāṃ vadhvāṃ sukim̐śukam̐
iti mantraṃ japet | sukim̐ śukamiti prajāpatistriṣṭup vadhūḥ
jape viniyogaḥ
oṃ sukim̐śukam̐ śalmalim̐ viśvarūpam̐ suvarṇavarṇam̐ sukṛtam̐ sucakram
āroha sūrye amṛtasya nābhim̐ syonaṃ patye vahatuṃ kṛṇuṣva
tato vadhvā saha gacchanpatiścatuṣpatha-nadī-vyāghra-caurādiyutasthāna-mahāvṛkṣa-śmaśānādīnpratimantrayenmāvidanniti mantreṇa | māvidanniti prajāpatiṛṣiranuṣṭupchanda āśāyyamānā devatā catuḥpathādyāmantraṇe viniyogaḥ
oṃ mā vidanparipanthino ya āsīdanti dampatī
sugebhirdurgamatītāmapadrāntvarātayaḥ
tataḥ pathi yadi yānākṣabhaṅga-naddharajjuvimokṣacaurasaṅgamādi
vipadutpadyate tadā yadi vivāhāgniranīto bhavati tadātaṃ, itarathā'nyaṃ laukikaṃ pañcabhūsaṃskārapūrvakaṃ saṃsthāpya, kṣiprahomavidhinā
vyāhṛtihomaṃ kuryāt | tatra kramaḥ—agni saṃsthāpya, ācamya
prāṇanāyamya, deśakālau smṛtvā 'akṣabhaṅga-caurādyutpannopadravanimittaṃ vyāhṛtihomamahaṃ kariṣye' iti saṅkalpya, ājyaṃ saṃskṛtya,
bhūjapaparyūkṣaṇe kṛtvā, samidhamādhāya, vyāhṛtituṣṭayaṃ hutvā, punaḥ
samiddhomāntaparyūkṣaṇa-prasekādīnvidhāya anyadakṣādi vinaṣṭamāhṛtya
hutaśeṣājyena 'ya ṛte ciditi' mantreṇābhyañjet | ya ṛte ciditi medhātithirbṛhatīndraḥ abhyañjane viniyogaḥ
oṃ yaṛte cidabhiśriṣaḥ purā jatṛbhya ātudaḥ
sandhātā sandhiṃ maghavā purūvasuriṣkartā vidrutaṃ punaḥ
tato vāmadevyaṃ gītvā yāne vadhūmārohayet | tato gṛhaṃ prāpya
punarvāmadevyaṃ gāyet | tataḥ patiputraśīlavatyo brāhmakyo yānādvadhūbhavatāryya, uttaralomni prāggrīve raktavṛṣabhacarmaṇi 'iha gāva'
iti mantreṇa varapaṭhitenopaveśayeyuḥ | "mantro vareṇa paṭhanīya" iti
vṛddhāḥ | iha gāva iti prajāpatiranuṣṭup gṛhaṃ upaveśane vi0
oṃ iha gāvaḥ prajāyadhvamihāśvā iha pūruṣāḥ
iho sahasradakṣiṇo'pi pūṣā niṣīdatu
tatastā eva brāhmaṇyaḥ carmaṇyupaviṣṭāyā eva vadhvā utsaṅge
akṛtacūḍaṃ kumāraṃ upaveśya, kumārasyāñjalau kamalabījānyanyāni
phalāni vā dattvā, utsaṅgātkumāramutthāpya, vadhūmannidhāvupaviśya,
kṛtalakṣaṇe sthaṇḍile dhṛtināmānamagni saṃsthāpya, ājyatantreṇa
vyāhṛtitrayahomāntaṃ vidhāya, iha dhṛtiḥ svāhetyādyaṣṭāvājyāhutayo
hotavyāḥ| iha dhṛtirityasya prajāpatirbṛhatī kanyā home vi0(1)
oṃ iha dhṛtiḥ svāhā | ihamiha dhṛtyai na mama