Subodhinipaddhati 41.1-2

41.1-2

atha brāhmaṇebhyo gobhūtilahiraṇyādikaṃ yathāśakti dadyāt
janmakālīyaduṣṭasthānasthitagrahasya pīḍānivṛttaye tatprītaye dānaṃ
deyam | tato "nābhinālaṃ kṛntata, stanaṃ ca pratidatteti" vadet
kumārī ceñjātakarma amantrakaṃ kāryam | iti jātakarma
atha ṣaṣṭhikāpūjāprayogaḥ
janmadivasātṣaṣṭhe divase pūrvarātre śiśupitrādiḥ kartā susnātaḥ śuklādivāsā pādau prakṣālya, kuśahasta ācāntaḥ pūjāmārabhet | tatra kramaḥ-sūtikāgṛhasya bahirdvārasamīpe upaviśya,
deśakālau saṅkīrtya "amuṣya bālasya rakṣākāmo rakṣikānāṃ pūjāmahaṃ kariṣye"iti saṅkalpya, "rakṣikābhyo nama" iti pādyādibhiḥ sampūjya, "anayā matkṛtapūjayā rikṣakāḥ prīyantāmiti"
nivedya, evameva dvāramātṛḥ pūjayet !
jayantī maṅgaḷākhyā ca subhagā caiva piṅgaḷā
bhadrakāḷīti pūjyante pañcaitā dvāramātaraḥ
pūrvavatpūjāṃ nivedyāntaḥ samupaviśya, svastyayanāni paṭhitvā,
deśakālau saṅkīrtya, "mama kumārasya dīrghāyuṣṭvārogyasarvopadravaśāntisarvābhyudayakāmo gaṇapatipūjāpūrvakaṃ mahāṣaṣṭhipūjāmahaṃ kariṣye"
iti saṅkalpya, pādyādyupacārairgaṇapatiṃ sampūjya prārthayet
sarvavighnaharo deva ekadanto gajānanaḥ
bhaktyā sampūjitaḥ prītyā śiśuṃ dīrghāyuṣaṃ kuru
tataḥ ṣaṭ kṛttikāḥ pūjayet | tāśca śivāḥ