Subodhinipaddhati 42.1-4.4

42.1-4.4

hastābhyāṃ mūrddhānaṃ parigṛhya japenmantratrayam | aṅgā daṅgādityādimantrāṇāṃ prajāpatiranuṣṭup prajāpatiḥ, paśūnāntveti prajāpatiryajuḥ
prajāpatiḥ putrasya mūrddhāḷambhāghrāṇe viniyogaḥ
oṃ aṅgādaṅgātsambhavasi hṛdayādadhijāyase
prāṇaṃ te prāṇena sandadhāmi jīva me yāvadāyuṣam
aṅgādaṅgātsambhavasi hṛdayādadhi jāyase
vedo vai putranāmāsi sajīva śaradaḥ śatam
aśmā bhava paraśurbhava hiraṇyamastṛtaṃ bhava
ātmāsi putra mā mṛthāḥ sajīva śaradaḥ śatam
paśūnāṃ tvā hiṅkāreṇābhijighrāmyamukaśarmanniti
evameva tatkaniṣṭhānāṃ putrāṇāṃ jyeṣṭhakrameṇāthavā pūrvaṃ yo yaḥ
sannidhāvāgacchati tasya tasya vā mūrddhāḷambhāghrāṇe pitā kuryāt
kanyānāmapi mūrddhāḷambhāghrāṇe mantraṃ vinā karttavye | iti pravāsāgata
kṛtyaprayogaḥ
atha cūḍākaraṇaprayogaḥ
janmatastṛtīye varṣe prathame vā udagayane śuklapakṣe kṛṣṇapakṣe'
pyādyabhāgadvaye uktatithyādyupete śubhe'hni maṅgalasnānaṃ vidhāya,
mātṛpūjāpuraḥsaraṃ nāndīśrāddhaṃ kuryāt | deśakālau saṅkīrtya “mama
sutasya cūr̤ākaraṇakarmāṅgaṃ nāndīśrāddhamahaṃ kariṣye” iti saṅkalpya,
nāndīśrāddhaṃ vidhāya, kṛtamaṅgalasnānaṃ kumāramalaṅkṛtya, brāhmaṇaiḥ
puṇyāhaṃ vācayitvā, gṛhasya purastādupalipte bhūpradeśe sthaṇḍilaṃ
nirmāya, tasminkṛtalakṣaṇe sabhyanāmānamagniṃ pratiṣṭhāpya, brahmāṇamupaveśyācamya prāṇamayamya, deśakālau saṅkīrtya “mamāsya kumārasya
bījagarbhasamudbhavainonirvarhaṇena balāyurvarco'bhivṛddhaye caulākhyaṃ karmāhaṃ kariṣye” iti saṅkalpyājyatantreṇāsādanam | tatra viśeṣaḥ-sapta