Subodhinipaddhati 43.3-2.1

43.3-2.1

evamaparaṃ mantradvayaṃ paṭhet | athavā ṛṣyādikaṃ smṛtvā, prathamacaturthābhyāṃ prātaḥ | dvitīyacaturthābhyāṃ madhyānhe | tṛtīyacaturthābhyāṃ sāyamevamupatiṣṭhet | tato mekhalāmadhastāttyajedanena mantreṇa
uduttamaṃ śunaḥśepastriṣṭup varuṇo mekhalāmocane viniyogaḥ
oṃ uduttamaṃ varuṇa pāśamasmadavādhamaṃ vimadhyamam̐ śrathāya
athāditya vrate vayaṃ tavānāgaso aditaye syāma
anenācchinnāṃ mekhalāmadhastātparityajya, ajinadaṇḍau tūṣṇīmeva parityajet | tatastriprabhṛtīn brāhmaṇānbhojayitvā, svayaṃ bhuktā,
śikhāvarjitāni śiromukhasthāisya ca lomāni nakhāṃśca vāpayitvā,
snātvā'hate vāsasī paridhāya, alaṅkṛtya, mantreṇa śvetakusumamālāṃ
śikhāyāṃ kaṇṭhe ca badhnīyāt | śrīrasīti prajāpatiryajuḥ śrīḥ
sragbandhane viniyogaḥ
oṃ śrīrasi mayi ramasva
tato mantreṇopānahau paridadhyāt | netrāai stheti prajāpatiryajurupānahau upānatparidhāne viniyogaḥ
oṃ netrāai stho nayataṃ mām
tato mantreṇa vaiṇavaṃ daṇḍaṃ gṛhṇīyāt | gandharvo'sīti prajāpatiryajurdaṇḍaḥ grahaṇe viniyogaḥ
oṃ gandharvo'syupāva upa māmava
tataḥ śiṣyaḥ parṣatsahitamācārya mantreṇekṣeta | yakṣamiveti prajāpatiryajurācāryaḥ īkṣaṇe viniyogaḥ
oṃ yakṣamiva cakṣuṣaḥ priyo vo bhūyāsam
tata ācāryasamīpe upaviśya, mukhanāsikākarṇākhyāni sapta
prāṇāyatanāni spṛṣṭvā mantraṃ japet | oṣṭhāpidhāneti prajāpatiranuṣṭup jihvā prāṇāyatanābhimarśane viniyogaḥ
oṃ oṣṭhāpidhānā nakulī dantaparimitaḥ paviḥ| jihve mā
vihvalo vācaṃ cāru mā'dyeha vādaya
tata ācāryyo madhuparkeṇa snātakamarcayet | tataḥ snātako