Rajanitiprakasha (Mitramishra) 2.p202

Rājanītiprakāśa (Mitramiśra) 2.p202

Language: Sanskrit

2.p202

atha pratīhāraḥ | viṣṇudharmottare, prāṃśuḥ surūpo dakṣaśca priyavādī na coddhataḥ | cittagrāhī ca sarveṣāṃ pratīhāro vidhīyate || iti | garuḍapurāṇe'pi, iṅgitākāratattvajño dhanavān priyadarśanaḥ | apramādī pramāthī ca pratīhāraḥ sa ucyate || iti | iti pratīhāraḥ | atha dūtaḥ | matsyapurāṇe, yathoktavādī dūtaḥ syāddeśabhāṣāviśāradaḥ | yuktaḥ kleśasaho vāgmī deśakālavibhāgavit || vijñāya deśaṃ kālaṃ ca yaddhitaṃ syānmahīkṣitaḥ | vaktā tasyā̍pi yaḥ kāle sa dūto nṛpaterbhavet || iti | garuḍapurāṇe'pi, buddhimānmatimāṃścaiva paracittopalakṣakaḥ | krūro yathoktavādī ca eṣa dūto vidhīyate || iti

Previous: 2.p201
Next: 2.p203
Up: 2

Linked texts (2)

Garuḍapurāṇa — Vyāsa, Sanskrit
Kṛtyakalpataru — Lakṣmīdhara Bhaṭṭa, Sanskrit