Samskarabhaskara (Rishibudha) 2.p2.16

2.p2.16

upanayanaṃnāmaācāryasamīpanayanāṃgakogāyatryupadeśapradhānakaḥ karmaviśeṣaḥ || upanayanapadasyayogarūḍhatvāt || gāyatryābrāhmaṇamasṛjaditiśrutyukteḥ || gāyatryābrāhmaṇamupanayītetikātīya vākyāccayogarūḍhametatpadam || || atrādhikāriṇaḥ || pitaivopanayetputraṃtadabhāve pituḥ pitā || tadabhāvepiturbhrātātadabhāvetusodaraḥ || tadabhāvesagotrasapiṃḍajñāḥ || tadabhāvemātulādayosagotrasapiṃḍāḥ || tadabhāveasapiṃḍasagotrajāḥ || etecakumārāpekṣayāva yojyeṣṭhāvivakṣitāḥ || kaniṣṭhakartṛkopanayanasyaniṣiddhatvāt || sarvābhāveśrotriyaḥ || janmanābrāhmaṇo jñeyaḥ saṃskārairdvijaucyate || vidvattvāccāpivipratvaṃtribhiḥ śrotriyaucyataiti || || upanetrupaneyayoradhi kārasaṃpādanārthaṃprāyaścittamāha || || vṛddhaviṣṇuḥ || kṛcchratrayaṃcopanetātrīn kṛcchrāṃścabaṭuścarediti || || ācāryasyaviśeṣaṃsaevāha || || sāvitrīmabhyasedagni pavitrāṇicasaṃsmaran || sahastraṃdvādaśākhyaṃcasāvitrīṃprajapedbudhaḥ || svādhikārārthamevāsyāḥ pradānārthaṃhitatsmṛtamiti || athopanayanakālamāha || || pāraskaraḥ || aṣṭavarṣaṃbrāhmaṇamupanayediti || garbhāṣṭamevā || athavābrāhmaṇaṃ garbhasahitāṣṭavārṣikamupanayet || tataścajanmatonavameṣṭamevāupanayedityarthaḥ || ekādaśavarṣaṃñcarājanyaṃ || ekādaśavarṣāṇyatītāniyasyāsāvekādaśavarṣastaṃ rājanyaṃkṣatriyamupanayet || janmatogdvādaśevarṣeityarthaḥ || dvādaśavarṣaṃvaiśyaṃ || dvādaśavarṣāṇyatītāni yasyāsautathātaṃ vaiśyaṃvarṇaṃtṛtīyaṃupanayet || janmatastrayodaśavarṣeityarthaḥ || yathāmaṃgalaṃvāsarveṣāṃ ||