Shraddhakalpa 3.p38

3.p38

pradhānamekoddiṣṭam , ataḥ striyā api kartavyamiti 1 | putrābhāve striyāḥ sapiṇḍīkaraṇam anapatyāsu mātṛbhistisṛbhiḥ2 saha kartavyam | tathā ca paiṭhīnasiḥ— “aputrāyāṃ mṛtāyāṃ tu patiḥ kuryāt sapiṇḍatām | śvaśrvādibhiḥ sahaivāsyāḥ sapiṇḍīkaraṇaṃ bhavet ||” patiputrābhāve strīsapiṇḍane4 pramāṇaṃ nāsti5 | sapatnīputre putratvātideśāt tenāpi kartavyamiti kecit | anūḍhāyāḥ sarvameva hi7 kṛtyaṃ pitṛpitāmahādibhiḥ kartavyam | brāhmodaivārṣaprājāpatyavidhipariṇītāyā bhartṛgotreṇa | āsuragāndharvarākṣasapaiśācavidhipariṇītāyāḥ sapiṇḍanaparyantaṃ pitṛgotreṇa, tataḥ paraṃ bhartṛgotreṇa sarvamevaurdhvadaihikaṃ putrapatyādibhiḥkartavyamiti vṛddhāḥ | anye tu ‘saṃsthitāyāṃ tu bhāryāyāṃ sapiṇḍīkaraṇāntikam | paitṛkaṃ bhajate gotramūrdhvaṃ tu patipaitṛkam ||” iti śātātapavacane bhāryāśabdasya sapratiyogitvāt10 patikartṛtvapakṣe sapiṇḍakaraṇaparyantaṃ11 pitṛgotrabhajanamūrdhvaṃ ca patigotrabhajanam | anyakartṛtvapakṣe tu pariṇayottarameva patigotrabhajanam | “pāṇigrahaṇikā mantrāḥ pitṛgotrāpahārakāḥ | bhartṛgotreṇa dātavyaṃ strīṇāṃ piṇḍodakantataḥ || caturthīhomamantreṇa tvaṅmāṃsahṛdayendriyaiḥ | bhartrā saṃyujyate nārī tadgotrā14 tena sā bhavet ||”