Shraddhakaumudi 1.p14

1.p14

ityuttarārddhena tasya naivedyasamarpaṇamantratvena vidhānāt tyāgamantratvābhāvāt | nāpyambikāhome'tivyāptistatra sambodhanapadasya vedatvena vedabodhitatvābhāvāt | tarpayetarapadaṃ yajurvedipretatarpaṇe'tivyāptivāraṇāyeti | pradhānapadantu arghyapiṇḍayorapradhānānyayorvyāvarttanāyāvaśyaṃ deyam | pradhānañcānotsarga eva nityaśrāddhamadaivaṃ syādarghyapiṇḍavivarjitam | iti hārītenārthyapiṇḍayorvarjanāt pradhānasya ca varjanāsambhavāt piṇḍapitṛyajñagayā piṇḍadānayostu karmāntaratvāttatra tayoreva prādhānyamiti tatra nāvyāptiḥ | tathā satyapyaṅgatve vṛddhiāśrāddhasya prakṛtakarmābhyudayātmakatayā devaśrāddhasya cateṣāmārakṣabhūtaṃ hi daivaṃ pūrdhvaṃ niyojayet | rakṣāṃsi hi vilumpanti śrāddhamārakṣavarjjitam || iti manunā rakṣāvattāphalakathanādasti prādhānyam | karmmāṅgatve'pi sandhyāyāḥ prādhānyavaditi tatra nāvyāptiḥ | evañca sanyāsināmātmaśrāddhe jīvatpitṛka śrāddhe sanakādiśrāddhe ca lakṣaṇamanugatameveti | atha sarvveṣāṃ prakṛtitvāt prathamaṃ pārvvaṇaśrāddhaṃ vivicyate | bhaviṣyapurāṇe-