Shraddhakaumudi 5.p15
Śrāddhakaumudī 5.p15
- Language
- Sanskrit
5.p15
madhuno dānamantreṇa madhuvātetyanenābhimantritaṃ yathā syāt tathā madhumayaṃ kṛtvetyarthaḥ | yadyapi madhuvātā iti japtā yathāsukhaṃ vācyamiti yājñavalkānirdeśastathāpi yamena annaṃ madhumayaṃ kṛtvā annahīnamityādinirdeśāt madhudānāntaramacchidram pratīyate dānasamāptāvevācchidrasyocitatvācca | yatnena bhojayediti yamena yaduktaṃ tatra vidhimāha yājñavalkya yathāsukhaṃ vācyamiti | yathāsukhamiti kriyāviśeṣaṇaṃ tacca pūrvvoktagarur̤apurāṇādivacanaikavākyatayā juṣadhvamiti kriyāmapekṣate | tathāca mārkaṇḍeye—