Shraddhakaumudi 5.p29

5.p29

brahmaviṣṇvarkarudrāṇāṃ stotrāṇi vividhāni ca | indrasomeśasūktāni pāvamānīśca śaktitaḥ || gāruḍebhuktāvatsu saptavyādhādikaṃ pitṛstotraṃ japet | viṣṇupurāṇerakṣoghnamantrapaṭhanaṃ bhūmerāstaraṇaṃ tilaiḥ | kṛtvā dhyeyāśca pitarastaeva hi dvijottamāḥ || pitā pitāmahaścaiva tathaiva prapitāmahaḥ | mama tṛptiṃ prayāntvadya vipradeheṣu saṃsthitāḥ || pitā pitāmahaścaiva tathaiva prapitāmahaḥ | mama tṛptiṃ prayāntvagnihomāpyāyitamūrttayaḥ || pitā pitāmahaścaiva tathaiva prapitāmahaḥ | tṛptiṃ prayāntu piṇḍena mayā dattena bhūtale || pitā pitāmahaścaiva tathaiva prapitāmahaḥ | tṛptiṃ prayāntu me bhaktyā yanmayatadudāhṛtam || mātāmahastṛptimupaitu tasya tathāpi tātasya pitā tathānyaḥ | viśve ca devā paramāṃ prayāntu tṛptiṃ pragacchantu ca yātudhānāḥ || yajñeśvaro havyasamastakavyabhoktā'vyayātmā harirīśvaro'tra | tatsannidhānādapayāntu sadyo rakṣāṃsyaśeṣāṇyasurāśca sarve || brahmapurāṇe— vaiṣṇavīṣvarddhamikṣvaiva viprebhyaḥ saṃnivedayet | ayaṃśca japaḥ kṛtāñjalinā darbheṣvāsīnena prācīnāvautinā dakṣiṇāmukhena kāryyaḥ | pavitrāñjalipāṇirdarbheṣvāsīno japet | iti śaṅkhavacanāt | sarvvakarmmaṇāñca pitṛddeśyatayā tatprādhānyenopadeśāt dakṣiṇāmukhatvādeḥ paitṛdharmmasyaivocitatvāt | gobhisenāpi ata ūrddhaṃ prācīnāvautinā kṛtyamiti sāmānyopadeśācca | viṣṇupurāṇe'pi— pitā pitāmahaścaiva tathaiva prapitāmahaḥ | tṛptiṃ prayāntu me bhaktyā yanmayetadudāhṛtam || iti japasya pitṛkāryyatvenopadeśācca | ataeva pitṛbrāhmaṇābhimukhyenaiva japaḥ | evañca piṇḍe picāvāhanamantrasya anuvrajane āmāvājasyetyasya ca śrāddhasyādāvante piṇḍadāne ca devatābhyaḥ pitṛbhya ityasya ca japaḥ paitradharmeṇa kāryyaḥ | pitaraḥ kṣipramāyānti rākṣasāḥ pradravanti ca | iti pūrvoktabrahmapurāṇavacanācca ; etena prāṅmukhatvopavītitvādikarmeṇa sarvvatra mantrajapalekhanaṃ pramāṇaśūnyam maithilānāṃ nirastam | pāraskaraḥtṛptiṃ jñātvā annaṃ prakīryya sakṛt sakṛdapo datvā pūrvvavat gāyatrīṃ japitvā madhumatīṃ madhumadhviti ca tṛptāḥ stheti pṛcchati tṛptāḥ sma ityanujñātaḥ śeṣamannamanujñāpyeti