Shraddhaviveka (Rudradhara) p1

p1

atha śrāddhaviveka prāraṃbhaḥ || oṃ śrīgaṇeśāya namaḥ prasīdatu sa no haristridaśavairisimaṃtinīnavīnavidhavājanavratavidhānadīkṣāguruḥ yadīyapadapaṃka jasmaraṇavītasarvainasaḥ punarbhavagatāgataṃ jahati vītamohā budhāḥ 1 ciraṃtanānekanibaṃdhasiddhaḥ susaṃpradāyānugataḥ sphu ṭārthaḥ| natvā hariṃ rudradhareṇa samyagvi tanyate śrāddhaviveka eṣaḥ 2 śrāddhaṃnāma vedabodhitapātrālaṃbhanapūrvaka pramītadevatau ddeśako dravyatyāgaviśeṣaḥ tacchrāddhamiha svarūpabhedetikarttavyatākathanamaṃtranirṇayavihitaniṣiddhadeśakāladravyabrāhma ṇādikathanena vivicyate tatrādau saṃkṣepataḥ svarūpabhedaḥ kathyate| tatra vṛhaspatiḥ nityaṃ naimittikaṃ kāmyaṃvṛddhiśrāddhaṃ tathaivaca pārvaṇaṃ ceti manunā śrāddhaṃ pañcavidhaṃ smṛtam| etadvistṛtaṃ bhaviṣyapurāṇe| ahanyahaniyacchāddhaṃ tannityamiti kīrttitaṃvaiśva devavihīnaṃ tadaśaktāvudakena tu| ekoddiṣṭaṃ tu yacchāddhaṃ tannaimittikamucyate| tadapyadaivaṃ karttavyamayugmānbhojaye dvijān| kā myaṃ vidhiṃtaṃ kāmyamabhipretārthasiddhaye pārvaṇena vidhānena tadyuktaṃ khagādhipa| vṛddhyarthaṃ kriyate śrāddhaṃ vṛddhiśrāddhaṃ taducyate| sa rvaṃ pradakṣiṇaṃ kārya pūrvāhne tūpavītinā| amāvāsyāyāṃ yatkriyate tatpārvaṇamudāhṛtaṃ| kriyate vāparvaṇi yattatpārvaṇami tisthitiḥ| atra naimittikapadena ṣoḍaśa pretaśrāddhānyapi saṃgṛhyaṃte| ekoddiṣṭa rūpatvātteṣāṃ| pārvaṇapadena goṣṭhīśrāddhādyapi smṛtyaṃtareṇoktaṃ saṃgṛhyate| teṣāṃ sarveṣāṃ pārvaṇavidhināvidhānāt| atra yadyapiparvaṇibhavaṃ pārvaṇamitivyutpattistathāpyamukhyā