Shraddhacandrika (Divakarabhatta) 2.p129
Śrāddhacandrikā (Divākarabhaṭṭa) 2.p129
- Language
- Sanskrit
2.p129
kārṣṇājinirapi— śrāddhaṃ na caikavargasya trayodaśyāmupakramet | na tṛptāstatra ye yasya prajāṃ hiṃsanti tasya te || te'grajāmityāpi kvacitpāṭhaḥ | atra hemādridhaumyavākyena mātāmahaprāptau satyāmapi ayaṃ niṣedho bhramaprāptaikapārvaṇasyetyāha | anye tu jīvanmātāmahavargasyaikavargajanaprāpterayaṃ niṣedha ityācuḥ | śrīmātāmahāstu yeṣāṃ sūtre mātāmahā nāmnātāstānprati sāmānyataḥ prāptasyaikapārvaṇasya niṣedhārthamityāhuḥ | mayā tucyate parāśaramādhave smṛtyantareicchettrayodaśīśrāddhaṃ putravānyaḥ sutāyuṣaḥ | ekasyaiva tu no dadyātpārvaṇaṃ tu samācaret || iti | asyāyamarthaḥ | yaḥ putravānsutāyuṣorabhivṛddhimicchetsa ekasyaiva trayodaśīśrāddhaṃ no dadyātkintu pārvaṇaṃ śrāddhaṃ samācaret | parvaṇi bhavaṃ pārvaṇaṃ ṣaddevatyāmityarthaḥ | anena vacanena sutāyuṣorabhivṛddhikāmanāpakṣe ekapārvaṇaprāpterayaṃ niṣedha iti
Linked texts (2)
- Kārṣṇājinismṛti (fragments) — Sanskrit
- Pratāpārka — Viśveśvarabhaṭṭa 1766, Sanskrit