Shraddhadipa 3.184

3.184

iti vacanād “dvādaśāhe'thavā kuryāditi pakṣamanurudhya ekādaśāhe ekādaśāhaśrāddhaṃ samāpya tatraiva prathamamāsikam | dvādaśe'hni traipakṣikaṃ samāpya dvitīyamāsikam | trayodaśa-caturdaśa-pañcadaśāheṣu tu tṛtīya-caturtha-pañcama-māsikāni
ṣoḍaśe'hni ūnaṣāṇmāsika-ṣaṣṭhamāsike | saptadaśāṣṭādaśonaviṃśaviṃśaikaviṃśāheṣu
saptamāṣṭama-navama-daśamaikādaśamāsikāni | dvāviṃśe'hni ūnasāmbatsarikadvādaśamāsike kṛtvā etasminneva dine sapiṇḍīkaraṇaṃ kuryāt | yadā tu
etaddvandvamadhye'ntimamāsaṃ tyaktvā madhye'dhimāsaḥ patati tadā tatsaṃkhyakadine'dhimāsaśrāddhaṃ kṛtvā tataḥparadineṣu āramāsikaśrāddhāni kuryāt | evaṃ dinavṛddhyā
trayodaśe'hni ūnasāmbatsarikadvādaśamāsika-sapiṇḍīkaraṇāni kuryāt | dvādaśe
māsi adhimāsapāte tu dvāviṃśe'hni adhimāsavihitaśrāddhonasāmbatsarikadvādaśa-māsikasapiṇḍīkaraṇaśrāddhāni kuryāditi niṣkarṣaḥ | vṛddhinimittābhyudayikaśrāddhārthamapyevamapakarṣaḥ | dvādaśāhe tu vṛddhau ekādaśāhe sapiṇḍīkaraṇam
dvādaśāhottaraṃ trayoviṃśāhātpūrvaṃ vṛddhau dvādaśāhe sapiṇḍīkaraṇam | trayoviṃśāhāt
prabhṛti tripakṣātpūrvaṃ vṛddhau pūrvoktarītyā ekādaśāhadinamārabhya dvādaśasu dineṣu
sapiṇḍīkaraṇāntāni śrāddhāni kuryāt : tripakṣādikālātparato vṛddhau
tripakṣādikāle sapiṇḍanam | yatra tvatītasapiṇḍīkaraṇakālo vṛddhiniścaye
uttarabhāvisapiṇḍīkaraṇakālātpūrvaṃ vṛddhāvupasthitāyāṃ “yadaharvā vṛddhirāpadyete”ti
gobhiloktāpakarṣapakṣaḥ sapiṇḍīkaraṇasya tataḥ “prāgāvartanādahnaḥ kālaṃ
vidyāditi” gobhilena cūḍādivṛddheryāmadvayāntarvidhānāt sapiṇḍīkaraṇasyāparāhve
vidhānāt tayoravādhāyāsattvapūrvadine sapiṇḍīkaraṇam | āvartanaṃ paścimadigavasthitacchāyāyāḥ pūrvadiggamanārambhakālaḥ | evaṃ coparivṛddhiṃ niścityāpakṛṣyasapiṇḍane kṛte tadānīṃ vighnena vṛddhayabhāve'pi vṛddhyārambhakālāntaraṃ pūrṇasaṃvatsaraṃ
vā prāpya pitṛtvaprāpakamiti, na punaḥ sapiṇḍanāntaraṃ—
sapiṇḍīkaraṇaṃ kuryād yajamānastvanagnimān
anāhitāgneḥ pretasya pūrṇe'bde bharatarṣabhaḥ