Shraddhadipa 5.228

5.228

ābhyāmiti lyablope pañcamī | ime prāpyetyarthaḥ | caitraśuklapratipadādimāsābhiprāyeṇāgrahāyaṇyamāvāsyā ca grāhyā | bahugranthakāralikhanāt
caturthabhāgonā yā kalā tayā avaśiṣṭaḥ kālo bhāgatrayāvaśiṣṭaḥ | māsāntare
caturdaśyaṣṭamayāme kṣayaḥ | etayoramāvāsyā prathamayāma iti viśeṣaḥ | tadanta
evāmāvāsyānta eva kṛtsnaṃ kṣayameti | malayuktābde'nayorapyamāvāsyayoranyamāsavat caturdaśyantayāmādyamāvāsyāsaptamayāmāntaṃ kṣayaḥ | “yasminnabde
dvādaśaikaśca yavyastasmin tṛtīyā paridṛśyā nopajāyata iti | yavyo māsaḥ
tṛtīyāyā caturthabhāgonakalyā-paridṛśyaścandro na bhavati | malamāsayuktābdastu
ekasmānmalamāsādabdadvayānantarātmakaḥ | tṛtīyābde malamāsasyāvaśyambhāvāditi
yadā caturdaśīyāmaṃ turīyamanupūrayet
amāvāsyā kṣīyamāṇā tadaiva śrāddhamiṣyate