Shraddhadipa 5.316-2

5.316-2

iti vacanāt pārvaṇādirūpamapyāmāśrāddhaṃ svakālaparityāgena pūrvāhna eva
kartavyamityāha kālādarśakāraḥ | kecittu brāhmaṇasyāmaśrāddhakaraṇaprasaṅge
pūrvāhnakālavidhāyakamidaṃ vacanaṃ śūdrasya tu pārvaṇādikāle iti vadanti
vastutastu etadvākyasyānyairalikhanātsandigdhaprāmāṇyaṃ na vā kutrāpyevaṃ
samācāraḥ
atha kṛṣṇapakṣaśrāddhavicāraḥ
“aparapakṣaṃ śrāddhaṃ kurvīta, śākenāpyaparapakṣaṃ nātikramet | māsi māsi
vopaṣaṇam” iti śruteḥ | evaṃ cānāhitāgninā pakṣamadhya ekasmin ahani
kartavyam | āhitāgninā tu—
“na darśena vinā śrāddhamāhitāgnerdvijanmanaḥ |”
iti vacanād darśa eveti tantraratne | amāvāsyāyāmatiprāśastyamāha
nigamaḥ—“aparapakṣe yadahaḥ sampadyate amāvāsyāyāṃ viśeṣeṇeti” | idaṃ “śāpaṃ
datvā sudāruṇam” iti vacanānnityaṃ ; kāmyaṃ ca phalaśravaṇāt
kanyāgatāparapakṣaśrāddhanirṇayaḥ
sūrye kanyāṃ gate śrāddhaṃ yo na kuryād gṛhāśramī
kutastasya dhanaṃ prāṇāḥ pitṛniḥśvāsapīḍanāt