Shraddhadipa 7.372

7.372

mṛtatithau patitamāsikamādau kṛtvā tatastanmāsikaṃ kāryaṃ kramabhaṅgaprasaṅgāt | na ca
mṛtāhetarakriyamāṇānāmādyaṣāṇmāsikadvayaśnāddhānāṃ mṛtatithikartavyatvābhāvāt tatta
cchāddhānāṃ kartavyatvaṃ na syāditi cenna tadāditadanta nyāyāt | patiteṣu teṣu
śrāddheṣu yathākramaṃ kṛtvā paraśrāddhaṃ kartavyaṃ “yathākrameṇa putreṇa kāryā pretakriyā sadā
patitā'patitā vāpi ekoddiṣṭavidhānataḥ” || iti jāvālavacanāt— “vyutkramāt
pretaśrāddhāni yo naro dharmamohitaḥ | dadāti narakaṃ yāti pitṛbhiḥ saha śāśvatam”
iti devalavacanācca | etena prathamamāsika-traipakṣika-dvitīyamāsikādikrameṇa
pañcamamāsika-prathamaṣāṇmāsika-ṣaṣṭhamāsikādikrameṇaekādaśamāsika-dvitīya-ṣāṇmāsika
dvādaśamāsikādiśrāddhānāṃ kramo darśitaḥ
atre daṃcintanīyam—smārtta-raghunandanamatte sūtakamṛtakādinā “śrāddhavighnesamutpanne,”
“natvanyā vai kadācana” iti ṛṣyaśṛṅgavacanānna tatra anyā kṛṣṇaikadaśī pratīkṣaṇīyā
“ekādaśyāṃ prakurvīta kṛṣṇapakṣe viśeṣataḥ” iti tu “viśeṣataḥ” ityamāvāsyāpekṣayā
na tu śuklapakṣaikādaśyapekṣayeti | etanmate darśo'pi kṛṣṇaikādaśīvad vikalpo darśitaḥ
sutarāṃ viśeṣata iti śuklapakṣīyaikādaśyapekṣayeti sudhībhirvibhāvyam
aśaucāntadine malamāsapāte tu malamāsānantarabhāvidarśa kṛṣṇaikādaśyāṃ vā
patitaśrāddhaṃ kartavyam | kintu dvādaśamāse'dhimāsapāte dvādaśamāsavihitaśrāddhasapiṇḍanāni tvavaśyaṃ kartavyāni | śuddhe trayodaśe māsi vārṣikaśrāddhaṃ punaḥ kāryyameva
ābdikaṃ prathamaṃ yasya prakurvīta malīmluce | trayodaśe tu samprāpte kurvītapunarābdikaṃ iti vyāsokteḥ | evamapakṛṣyasamipaṇḍane ca kṛte'pi pūrṇe'bde punarābdikaṃ
śrāddhaṃ kartavyameva | na ca “pūrṇe saṃvatsare śrāddhaṃ ṣor̤aśaṃ parikīrtitam
tenaiva ca sapiṇḍatvaṃ tenai vābdikamiṣyate” || iti hemādrivacanāt pūrṇābde kriyamāṇāt
śrāddhād yathobhayanirvāhastathā ‘pūrṇasaṃvatsaravṛddhyārambhakālayo”stulyatvenāpakarṣasapiṇḍane'pi kṛte ubhayanirvāha iti vācyam | hemādridhṛtavacanasya pūrṇe'bde sapiṇḍane
kṛte taddine punarābdikakaraṇaśaṅkāyāṃ tenaivābdikaṃ tantrasiddhami’tyabhiprāyakatvāt
gābhilena pūrṇe'bde sapiṇḍokaraṇamabhidhāyātaḥ ūrdhvaṃ saṃvatsare saṃvatsare pretāyānnaṃ dadyāt
yasminnahani pretaḥ syādityabdādūrdhvaṃ sāṃvatsarikavidhānācca | mṛtatithau śrāddhākaraṇe
pratyavāyasambhavānmṛtatithāvavaśyameva śrāddhaṃ kartavyamiti prācīnāḥ śiṣṭāḥ | teṣāṃ
tathaiva samudācāraḥ iti saṃkṣepaḥ
malamāsamṛtānāṃ tu śrāddhaṃ yatprativatsaram
malamāse'pi kartavyaṃ nānyeṣāṃ tu kadācana