Shraddhadipa 8.557

8.557

iti marīcivacanena tathākāmāditi
ataeva tasya yāvaduktamāśīrbrahmacaryyamatulyatvādityatra phalasaṃskārā
ye tu vacanena vyavasthāpitāste dvayorapi phalitvādāvarttante ityuktam
tathāca phalasaṃskārajanakānāṃ yajamānānāmakaraṇe kaniṣṭhānāṃ kiñcit
saṃskārahānau evaṃ yadi yajamānasya śrāddhakaraṇāśaktau putrādiranyaḥ śrāddhaṃ karoti
tadā yajamāna eva pūrvvadine nirāmiṣasakṛdbhojanādīn karoti na tu putrādyaḥ
teṣāṃ phalatvābhāvādeveti | na cetarāṅgavad ya eva yajamānasyāśaktau nirāmiṣasakṛdbhojanādīn kariṣyatīti cet phalasaṃskārānāmanyena kṛtānāṃ yajamānayogyatānāpādakatvādetadevoktaṃ ṣaṣṭhe phalaphalisaṃskārāstvanyena kriyamāṇā na
yajamānasya yogyatāṃ janayatīti | satre tu ānītasya phala (phali) saṃskārā
nānyasya yogyatāsampādanāya kintu saṃskārāṇāṃ saptadaśakarttṛ karaṇasampādanārthamityanyadetat
dantadhāvanatāmbulaṃ kṣaurābhyaṅgamabhojanam
ratyauṣadhaparānnañca śrāddhakartā vivarjayet