Shraddhamanjari (Bapubhatta Kelakara) 12.p1.2

12.p1.2

pakṣaḥ| aparastu darśayugādimanvādisaṃkrāntyādiśrāddhānāṃ samānajātīyānāṃ
vijātīyānāṃ vā prasaṅga evocita iti | prasaṅgo nāma saṃkalpādau mahātantravataḥ sapiṇḍakasya śrāddhasyaivollekhaḥ | na prasaṅginaḥ samānālpatantrasya piṇḍarahitasya śrāddhasyollekhaḥ | tasya tatrāpi dhyānamātraṃ kartavyam | prasaṅgasiddhiścoktā kālādarśanityadārśikayoścodakumbhamāsikayorapi
dārśikasya yugādeśca dārśikāllabhyayogayoḥ
dārśikasya tu manvādeḥ saṃpāte śrāddhakarmaṇaḥ
prasaṅgāditarasyāpi siddherūttaramācaret || iti
nityasya codakumbhasya nityamāsikayorapi
nityasya cā''bdikasyāpi dārśikābdikayorapi
yugādyābdikayoścāpi manvādyābdikayorapi
pratyābdikeṣu cālabhyayogeṣu vihitasya ca
saṃpāte devatābhedācchrāddhayugmaṃ samācaret
nimittāniyatiścātra pūrvānuṣṭhānakāraṇam || iti
ekakāle gatāsūnāṃ bahūnāmathavā dvayoḥ
tantreṇa śrapaṇaṃ kṛtvā kuryācchrāddhaṃ pṛthakpṛthak || iti
naikasmindivase śrāddhaṃ trayāṇāṃ kutracidvijaḥ
ekaḥ kuryāttathā prāpte anyo bhrātā samācaret
bhrātaryavidyamāne tu tatpare'hni samācaret
anyathā śrāddhahantā syācchrāddhaṃ saṃkarakṛdbhavet || iti
darśa cetpitṛkṣayāhastadā kṣayāhaprayuktaṃ śrāddhaṃ kṛtvā darśa kāryam | tadapi
samāpya grahaṇaṃ cettannimittakamapi kṛtvā putrajanma yadi syāttannimittakamapi kurvīta | evaṃ darśa pratyābdikamahālayaprasaktāvapi tathaiva | tatrā''dau
madhyāhna eva sāṃvatsarikārambhaṃ kṛtvā brāhmaṇavistāravarjaṃ mahālayaṃ kṛtvā
piṇḍapitṛyajñaṃ kṛtvā sāṃkalpavidhinā darśaśrāddhaṃ kuryāt | anyathā'parāhne